مغرورة ويا بخت الغرور
فيها
مغرورة ليه لا
يطلعلها
يا زين من ينغـّر
مغرورة واثقة من روحها
يا زينها يا طيبها
يا دلعها
يا زين من عفى
ويقدر
مغرومة محشومة مو متكبرة
ما حد بجمالها مو متصوّرة
حمامة يمامة والصّدر
يعمر
كامل الأوصاف
من الحسد والعين يخاف
والقلب في حبها
تفجّر
تمشي الهوينا
بين البساتين
تعطي العبق
لكل الرياحين
اشوف الفجر
بسمة على الثـّغر
والورد من عطرها
تعطـّر
بسمتها أمل
بالعين أنقتل
يوم شراعي في عيونها
يبحر
ذرعان من جوري
والشعر شلال منثوري
في المشية موسيقى
والكعب يتمختر
عمري أنا الحنطي
على الملقى لا تبطي
ألثم أنا الكفين
وأبوّس الأبهام
والبنصر
يا بو شعر ثاير
يابو خصر داير
ترانا مذبوحين
أنا أموت فيها
كيف ما أقدر أنكر
كيف الصـّدر منحوت
من شافه راح يموت
تمثالها يحكي
وعودها مرمر
تمشي على الكورنيش
والشيـّله شفـّافة
قبل الضـّحي تمشي
والشوق على شفافه
أيس كريم على الشفـّه
والرّيق كالكوثر
مغرورة يلبقلك
شامخة ويطلعلك
موضوع: مغرورة ويا بخت الغرور فيها 
8/30/2009, 10:12 am
