هلا ملاك ,موضوعك حلو بس على شرط انو كل سؤال يأخذ حقو ووقتو الكافي من الاجوبه يعني
قبل فتره كان في موضوع انت كمان نزلتو وصار في لخبطه وكل واحد يسأل سؤال بدون ما يعطي الجواب للسؤال الي قبلو,هلا اهم شي انو الجميع يشارك وبطريقه حلوه ومنطقيه ونجاوب على الاسئله بكل صراحه وبدون تجريح وبدون تكرار لنفس مواضيع الاسئله اظن فهمت علي ملاك .لان هون بيكررونفس السؤال الي بينسال الف مره قبل هيك ,بس انت سؤالك انا شخصيا اول مره بشوفو ورح اجاوب عليه
هلا سبب الظاهره هاي بنظري هوه التلفاز والتقليد الاعمى للممثلات في الافلام والمسلسلات
وبيعتبرو حالهم هيك انهم اثبتو شخصيتهم وانهم اقوى من الرجل وهيك اشياء سخيفه وبالفعل همه بهاي الطريقه بدمرو حالهم وبيدمرو صحتهم ,هلا السؤال هون انو وين انوثة البنت الي بتكون بتدخن وحالمه السيجاره بغض النظر انو هل هيه بتضر او لا ,بالدرجه الاولى بتنقص من انوثتهم وجمالهم ,في سبب تاني لهاي الظاهره وهوه كثرة المناداه بحقوق المراه ,من كثر ما بينادو بحقوق المراه اصبحنا لانعرف ايش هيه حقوقنا هل حقوقنا انو نصير متل الرجال؟هل حقوقنا انو نبعد عن دينا؟ انا بحكي عنجد من كتر ما بينادو بحقوق المراه اصبحت هاي الكلمة تسبب توتر عند البنات واصبحت البنت تحس انو اي شي بيعملو الرجل هيه لازم تعملو لحتى تدافع عن حقوقها وصورولنا الرجل بانو الاسد يلي جاي ليلتهم كل حقوقنا ,هاد احد الاسباب ملاك كمان في سبب واتحملني لاني طولت عليك وهوه عدم مراقبة الاهل ةالتربية السيأه وبصراحه اكتر تقليد الام يعني لما تكون الام مدخنه غصب عنها البنت رح تكون مدخنه ,هلا كلنا لازم نعترف انو التدخين ظاهرة سلبيه وسيئه وضاره مو بس للبنات كمان للرجال اجمل شي في الدنيا انو الانسان يكون بصحتو وبعافيتو بدون القحه المستمره وبدون الاسنان الصفراء او السوداء في بعض الاحيان .هلا الطريق لحل هاي المشكله التوعيه من قبل الاهل وانهم ينظرو للبنت ويوعوها لخطر التدخين متل ما بيوعو الشب بالضبط بس بطريقه ما تحسس البنت او الشب انو مجرم وانو رح ينقطع راسو اذا ما عمل الي بدهم ياه الاهل لانو رح يعمل الغلط جكر باهلو .
شكرا ملاك عالموضوع الحلو واتحملني لاني طولت عليكم