| | حبيب العمر*قصة واقعية رومانسية*حدثت بالفعل لكاتبتها |  |
|
|
|
| كاتب الموضوع | رسالة |
|---|
Miss Nanosh
مشرف عام
عدد المساهمات : 1025
كديش عمرك : 29
الموقع : ALna3noosh
نقاط : 61565
السٌّمعَة : 20
 | |
 | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
|  موضوع: رد: حبيب العمر*قصة واقعية رومانسية*حدثت بالفعل لكاتبتها  7/17/2009, 6:18 am | |
| **نهى كانت قاعدة مع أحمد فى الصيدلية وبيتكلموا فى الشغل ...وهما قاعدين الشيخة سماح دخلت فنهى بصتلها من فوق لتحت كده وبصت فى أوراق قدامها فأحمد بسرعة حاول ينقذ الموقف وقالها:أهلا يا سماح اتفضلى.
سماح: هاى أزيك ...أزيك يا نهى.
نهى رفعت راسها ونظرتلها بابتسامة بارده وقانت حضنتها وقالتلها:أهلا يا سماح أزيك عاملة أيه؟؟؟
سماح بغيظ:الحمد لله انتى ايه اخبارك؟
نهى: والله يا سماح مشغولين جداااا ومش فاضين خالص لأى حاجة فى الدنيا.
سماح: طيب انا خلاص همشى....
نهى:ليه بس يا سماح ما تخليكى شويه....بس يالا بقى الله يعينك انا مش هعطلك مع السلامة
سماح خرجت وحست إن نهى طردتها بالذوق وكانت هتموووووت من الغيظ.**
**فى المستشفى**
محمد فاق من الغيبوبة ونقلوه من العناية المركزة لأوضة عاديه بس هو كان تعبان لكن الحمد لله الخطرزال عنه ودخل فى مرحلة العلاج.
نرجع تانى لأحمد ونهى.........
أحمد: أطلعى انتى يالا يا نهى ارتاحى وانا هقعد هنا..
نهى: لا يا أحمد أنا واخدة أذن من ماما....
أحمد: يا بنتى أطلعى أرتحيلك شوية أنتى شكلك تعبان.
نهى: والله لا تعبانه ولا حاجة وبعدين عاوزة اكون معاك...ولا انت خلاص مش عاوزنى أكون معاك يعنى....أنت زهقت ولا إيه؟؟؟
أحمد:أنا ..أنا أزهق منك يا نونوس يا حبيتى والله ما اقدر انا بس كنت عاوزك ترتاحى مش أكتر.
نهى:وأنت عارف إن أنا راحتى معاك.
أحمد: معايا على طول .
نهى بتضحك: على طول على طوول.
**أما البت سماح فكانت خلاص هتفرقع من نهى وقررت أنها تنفذ خطتها علشان تبعد أحمد عن نهى بس الأول تحاول تلطف معاها وتحسن علاقتها بيها علشان نهى متشكش فيها ......وقعدت تفكر هتعمل ايه ووصلت لحل وعلى طول اتصلت بواحد تعرفه أسمه سمير علشان تنفذ خطتها من خلاله.........
سماح: ألو يا سمير أزيك...
سمير: مين سماح.
سماح:أيوة سماح يا ندل كده مش تسأل عنى طول المدة اللى فاتت.
سمير: معلش يا موحة لكن مشاغل الدنيا والله ..
سماح: خلاص سيبك أنا كنت قصداك فى خدمة كده.
سمير:أنتى تؤمرى يا موحة قولى.
سماح: فيه واحدة حبيبتى كده عاوزاك تورطهالى ...بس مش أوى.
سمير: يعنى إيه أورطها بس مش أوى؟
سماح: يعنى ممكن تتصور جنبها.............توقعها عليك وتتلقط صورة بالموبيل كأنك حضنها مش أكتر يعنى....
سمير:اااااااااااااه فهمت يعنى انتى مش عاوزة تآذيها فى أكتر من كده.
سماح:لا أوعى تعمل حاجة غير اللى قولتلك عليه..
سمير:ماشى خلاص اتفقنا بس انتى أدينى بينات الأخت وكله هيبقى تمام.
سماح بعد ما أديتله بينات نهى ....
سمير: يانهااااااااااااااااااااااااار دى بنت عمك.
سماح:أيوة يا سيدى هى بنت عمى.
سمير:لا يا سماح حرام عليكى محصلتش لآذية أقرب الناس ليكى ديه زى أختك برضه.
سماح: سمير أنت ملكش دعوة أنت تعمل اللى اقولك عليه وبس ويا سيدى انا هديك إللى انت عاوزه...
سمير: يا بنتى المسألة مش فلوس ...........خلاص أنا هنفذ بس عاوز توقيت مناسب.
سماح:لا متقلقش أحنا عندنا مناسبة فى العيلة قريب فرح يعنى وهناك هنفذ.أتفقنا.
سمير:خلاص أتفقنا.
****************************
محمد خرج من المستشفى على بيت أهله فى نفس يوم فرح بنت عمة نهى علشان كده أحمد كان معاه ومرحش الفرح ...وهما قاعدين جت لأحمد مسجات على البلوتوث (موبيله) وكانت فيها صور نهى وهى حاضنه سمير واتنين وهى ببتكلم معاه وهو بيضحك وأحمد أول ما شاف الصور حس إن قلبه أنقبض وأعصابه كلها أترعشت وكان التليفون هيقع من أيده وطبعا محمد لاحظ عليه ده وعلى قاله:
مالك يا أحمد ؟؟أيه اللى حصل؟
أحمد با رتباك:هاااااااا لا ولا حاجة أنا بس حسيت بدوخة تقريبا ضغطى واطى ولا إيه مش عارف؟
محمد :ضغط...ضغط إيه يا بنى أنت عمرك ما كان عندك ضغط.
أحمد: والله مش عارف المهم أنا هسيبك دلوقتى وانام شويه.
محمد:طب خليك نام معايا هنا فى الاوضة.
أحمد:والله ما هينفع يا محمد مش بعرف أنام وحد جنبى هنام ساعتين كده وأرجعلك تانى .........سلام
وجرى أحمد على أوضته وأول ما قفل على نفسه الباب دموعه نزلت وكأنها نهر من الدموع التى لا توقف لها ورجع الصور تانى من ع الموبيل وقال لنفسه: ليه كده بس يا نهى......ليه .....ده أنا كنت حاسس إن أنا وأنتى خلاص أصبحنا كيان واحد ومش هنقدر نستغنى عن بعض أبدااا.......معقولة نهى تكون خاينه؟؟؟مش عارف....يا رب صبرنى واهدينى للطريق الصحيح ...............
**حاول أحمد ينام علشان يريح عقله من التفكير لكن مقدرش وكان منظر الصور مسيطر على عقله وخاصة لما كان سمير ده حاضن نهى .........بس كان من المعروف عن أحمد إنه هو عاقل وأى مشكلة تواجهه يجيب ورقة وقلم ويقعد يكتب المشكلة وأسبابها وكده يعنى ......فقام وجاب ورقة وقلم وقعد يشخبط فيهم ورجع الصور تانى وبص غيها بعين المحقق وليس بعين الحبيب وقال لنفسه: طيب لو ده واحد تعرفه أو فيه ما بينهم علاقة كانت على الأقل هتبتسم لما تتصور معاه لكن من الواضح فى الصورة إن نهى مخضوضة وبعدين نهى أصلا شكلها وتربيتها متسمحلهاش تعمل علاقة مع أى حد ...وده كمان مش من قرايبها ....غير أنها لو كانت بتاعة لعب وتنطيط طب ما كان عاطف قدامها ومعاها فى نفس الكلية يبقى أكيد ع الأقل تديله أمل .....ااااااااااااااااااه يارب أنا هموت من التفكير ساعدنى يا رب....
**أما نهى فكان خلاص الفرح خلص وراحت المطار مع بنت عمتها العروسة علشان يوصلوها لأنها مسافرة لشهر العسل.... وهى فى الطريق كانت بتطلب أحمد ع التليفون بس هو مش بيرد .............وبعد ما رجعت للبيت كانت قلقانه على أحمد لأنها طول اليوم متعرفش عنه حاجة وكانت قاعدة ماسكة صور خطوبتها وبتقول:يااااااااااااااااااااااااه يا أحمد ربنا يخليك ليا لو تعرف أنت إيه غالى عندى كنت رديت عليا من قبل ما اطلبك ..يا ترى إيه اللى حصل؟؟ممممممممم ممكن يكون نايم؟؟؟ بس لو أحمد نايم وأتصلت بيه الفجر بيصحى ويرد عليا......يالا الصباح رباح
وحضنت نهى صورتها هى وأحمد نااااااااامت بالفستان اللى عليها من التعب.
**وتانى يوم الصبح**
نهى صحيت من النوم بدرى علشان تنزل تفتح الصيدلية قبل ما أحمد يوصل وأول ما نزلت شافت الصيدليه مفتوحة واستغربت جداااااالأن مش من عادة أحمد إنه يروح بدرى كده ..
نهى:صباح الخير يا أحمد.
أحمد بضيق:أهلا يا نهى صباح النور.
نهى: مالك يا أحمد أنت بتكلمنى كده ليه؟
أحمد بيبوص فى أوراق: وعايزانى أكلمك أزاى يعنى؟
نهى: تكلمنى زى ما بكلمك.....أنا أول مرة أشوفك تتكلم معايا بالطريقة ديه.
أحمد: يعنى إيه يا هاااااانم دلوقتى طريقتى مش عجباكى؟
نهى: أعوذ بالله من الشيطان الرجيم........فيه إيه يا أحمد قولى مالك؟؟هو أنا زعلتك فى حاجة وأنا مش واخدة بالى؟
أحمد: والله مش عارف ...نهى أنا مش فاضى دلوقتى ومش قادر اتكلم.
نهى والحزن باين عليها:أحمد اتكلم على طول انا تعبت
أحمد بيدى لنهى الموبيل بعد ما طلع الصور: طب خدى شوفى دول وانتى ترتاحى من تعبك.
نهى شافت الصور ومعرفتش ترد وكانت بتبوص لأحمد وعايزة تقوله أزاى يشك فيها بس ما قدرتش تعمل حاجة أكتر من أنها أنهارت فى العياط..........
أول ما احمد شافها كده حاول يلم الموضوعبينهم وقام قفل عليهم الصيدليه من جوا علشان يعرفوا يتكلمو من غير شوشرة أو إن الموضوع يكبر...
أحمد بنبرة حازمة: هاااااااااااااااااااا خلصتى عياط ولا لسة الحنفيه الكدابه اللى فى عنيكى مش هتتقفل دلوقتى...
نهى:أحمد أنت قصدك أنى مزيفه؟؟؟
أحمد: نهى متغيريش الموضوع دلوقتى أنا عاوز أعرف مين اللى فى الصورة ده ؟
نهى: أنا هحيلك بس تصدقنى...
أحمد:قولى يا نهى...بس لو فيه حاجة كدب هعرف..
نهى حكت لأحمد على كل اللى حصل وفى الأخر قالتله: والله العظيم يا احمد هو ده كل اللى حصل ولا زيادة عنه ولا أقل من كده ....وبعدين انا كنت هحكيلك...
أحمد بيبوصلها بنظرة تفكير وبيشخبط فى ورقة قدامه..
نهى: يا أحمد صدقنى والله العظيم ما بكدب عليك الراجل ده أنا أول مرة أشوفه أمبارح ..وحياتك عندى يا أحمد وحياة ربنا اللى بتتهزله السبع سموات أنا مش بكدب عليك ولا أجرؤ أعمل كده ..........يا احمد انت مش عارف أنت بالنسبة لى أيه .....أخونك أزاى بس ومع واحد زى ده ؟؟طب هات الصورة كده....بص فيها كويس والله العظيم شكله متشرد ...يا احمد والله ما اعرفه ...........
نهى ما قدرتش تتمالك نفسها وقالت لأحمد: شوف يا أحمد انا هقولك كلمة واحدة.
أحمد: هاااااااقولى.
نهى مترددة ومش عارفة تنطق.
أحمد: ما تنطقى قولى فيه ايه تانى.
نهى وصوتها متحاش من الدموع: شوف يا احمد لو أنت حاسس إن أرتباطك بيا هيسبب لك مشاكل.......أنا...أنا ممكن أعفيك من الارتباط ده .
أحمد مش بيرد.
نهى خلاص يا أحمد كل حاجة أنتهت عن آذنك | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:18 am | |
| *نهى خرجت من عند أحمد وهى منهارة فى العياط لأن دى أول مرة أحمد يشك فيها وأول مرة تكون فى الموقف ده أصلا ومش عارفة تدافع عن نفسها ...وهى طالعة البيت سماح قابلتها ع السلم وشافتها وهى معيطة وعرفت إن مفعولها جاب نتيجة ..نهى أول ما شتفتها جريت على طول على شقتهم أما سماح فوقفت تضحك بصوت عالى ونزلت على طول علشان تشوف أحمد وتتأكد
"بت ما بترحمش" المهم...........
نهى طلعت الشقة ومامتها شايفاها منهارة وعنيها حمرة جداااااااااااا من العياط ومش قادرة تتكلم.
أم نهى: مالك يا نهى؟؟؟؟؟فيه إيه؟؟
نهى بتعيط: ألحقينى يا ماما ..
أم نهى خافت أكتر: أهدى بس وقولى فيه إيه؟؟يا بنتى متقلقنيش عليكى أنطقى.......
نهى حكت لمامتها على كل اللى حصل وفى اللآخر قالتلها: هو يا ماما معذور بس اللى مزعلنى إنه شك فيا وانا والله العظيم مظلومة ومعرفش الراجل ده وأول مرة أشوفه كانت فى الفرح.
أم نهى: بس يا نهى أهدى يا حبيبتى إن شاء الله كل حاجة هتتصلح أنا هقوم أكلم أحمد.
نهى: لا ياماما بلاش أنا تعبانه ومش عاوزة أتكلم معاه.
أم نهى: ومين قالك إنك هتتكلمى معاه أنا اللى هتكلم معاه هو انتى ملكيش أهل ولا إيه؟ هو فاكر بنات الناس لعبة ولا عرضة للشك كده...هو كان يطول ضفرك ده.......
نهى: يا ماما أى راجل مكانه كان لازم يشك برضه أصبرى شويه لحد ما الامور تهدى ..يعنى ساعتين كده بس ولا حاجة...
أم نهى: ماشى يا نهى..بس اللى ورا العملة السودا ديه والله ما هسيبه..
أما سماح فطبعا كانت عند أحمد بالبريد المستعجل علشان تشوف خطتها نجحت ولا فشلت.
سماح:هاى يا احمد أزيك.
أحمد بزهق: أهلا خير .
سماح:لا أبداا بس كنت شوفت نهى دلوقتى طالعة وبتعيط...هو أنت زعلتها.
أحمد:لأ.
سماح: طب فيه إيه.
أحمد: ولا حاجة بس أنا عندى مشوار مهم ولازم أقفل وأمشى.أنتى عاوزة حاجة تانية.
سماح: لا مش عاوزة.
أحمد: طب يا سماح مع السلامة.
أحمد قفل الصيدلية ورجع ع البيت وهو مهموم ودخل يشوف محمد أخوه وكان محمد بيتفرج ع التليفزيون...
أحمد: أزي النهاردة يا محمد.
محمد: أحمد....أنت أيه اللى رجعك بدرى كده ده الضهر لسة ما آذنش.
أحمد بحزن عميق وبيتنهد: لا ما فيش حاجة.
محمد: مالك يا أحمد أنا من أمبارح حاسس إنك متغير مش عارف ليه....مممم هو أنت زعلان مع نهى؟
أحمد بيحاول يغير الموضوع: قولى يا محمد إيه أكتر حاجة كنت بتحبها فى هدى؟
محمد: والله يا أحمد أنا كنت بحب فيها كل حاجة بس أكتر حاجة أكتر حاجة يعنى..أخلاصها ليا..
أحمد: أزاى يعنى؟
محمد: يعنى دايما كنت بحس أنها مش بتشوف راجل غيرى..عارف مين اللى زيها بالظبط.
أحمد: مين؟
محمد: نهى خطيبتك.
أحمد با ندهاش: نهى.......أزاى يعنى مش فاهم.
محمد: أنا هقولك مش عارف أزاى انت مش واخد بالك .. نهى ديه يابنى لو وقفت فى وسط ألف راجل أنا مخافش عليها منهم لأنى بحس أنها بتعرف تصد اللى قدامها على حسب شخصيته سواء بالأدب أو بطريقة تانيه ..أنت ناسى عملت إيه مع عاطف ولا إيه؟
أحمد بص لمحمد وكأنه أنتبه لحقيقة كانت غايبة عن عينه وقاله: صح يا محمد عندك حق..أنا ازاى مش واخد بالى.
محمد بيغمز لأحمد بعينه: لأ خد بالك علشان متخصرش حاجة غالية وترجع تندم.
أحمد بيفكر.
محمد : بتفكر فى إيه يا أحمد؟
أحمد:هاااا ..لأ ولا حاجة أنا بس عندى مشوار مهم ولازم أنزل حالا ..عن آذنك.
محمد: ماشى يا احمد بس أبقى طمنى.
أحمد: إن شاء الله سلام دلوقتى.
وخرج أحمد من البيت علشان يروح عند بيت نهى علشان يصالحها لأنه متأكد إنها حكت لمامتها ..وهو فى الطريق موبيله رن وكانت ع التليفون أم نهى.
أم نهى:أهلا يا دكتور أزيك؟
أحمد: الحمد لله يا طنط أنتى ايه أخبارك؟
أم نهى: والله أخبارى مش كويسة يا دكتور وكنت عاوزة أتكلم معاك.
أحمد: أنا فى طريقى ليكم يا طنط يعنى ربع ساعة بالكتير قوى وأكون عندكم.
أم نهى: ماشى يا دكتور وانا منتظراك ....مع السلامة.
فى بيت نهى
كانت نهى قاعدة فى الصالة سرحانه ومش عارفة إن أحمد على وصول وضرب جرس الباب وكان أحمد هو اللى ع الباب.
أحمد: سلام عليكم أزيك يا طنط.
نهى لسة سرحانه ومش واخدة بالها إن أحمد موجود أصلا بس الحمد لله كانت رابطة راسها من كتر العياط يعنى كان شعرها متغطى ...المهم أحمد دخل..
أحمد: أزيك يا نهى.
نهى رفعت راسها وشا فت أحمد قدامها وأفتكرت كل اللى حصل وبسرعة سابته ودخلت على أوضتها..لكن أم نهى حاولت تنقذ الموقف وقالتله:أتفضل يا أحمد أنا عاوزة أتكلم معاك ومن غير زعل من نهى.
أحمد: أتفضلى يا طنط أنا سمعك.
أم نهى: نهى حكتلى على كل اللى حصل بينكم .
أحمد: يا طنط لو سمحتى خليكى مكانى أى واحد فى الدنيا كان ممكن يشك ولو للحظة.
أم نهى: أيوة يا دكتور بس نهى مش اللى يتشك فيها ولا إيه؟ ع العموم أنا موصلتش الموضوع لباباها علشان المشكلة متكبرش.
أحمد: طيب يا طنط أنا كنت عاوز أعتذر لنهى عن اللى حصل ممكن حضرتك تناديلها.
أم نهى: ماشى يا احمد أنا هدخلها وأحاول أخليها تخرجلك.
أم نهى: يالا يا نهى أخرجى لأحمد علشان عاوز يتكلم معاكى.
نهى بتمسح دموعها: حاضر يا ماما أنا خارجة وراكى.
نهى خرجت لأحمد ومامتها دخلت تحضرله حاجة يشربها
نهى: أهلا يا دكتور .
أحمد: نهى وحشتينى.
نهى بتتجاهل كلامه : والله فيه أمانه ليك عندى ولازم تاخدها .
أحمد با ستغراب:أمانه أيه؟
نهى: أتفضل دى علبة الشبكة .... ومعاها نسخة مفاتيح الصيدلية اللى كانت معايا.
أحمد: نهى أنتى بتقولى إيه؟
نهى: خلاص يا دكتور أنا مش عاوزاك ومفيش أى حاجة تانية تربطنى بيك بعد كده ومن الأحسن إن كل واحد يعيش حياته بعيد عن التانى.
أحمد: هتتجوزى؟
نهى: والله دى حاجة تخصنى وأنت مالكش علاقة بيها.
أحمد فقد أعصابه وقالها بنرفزة : عارفة يا نهى أنتى لو عماتى كده أنا هرفع عليكى قضية فى المحكمة إنك جمعتى بين زوجين. وهسجنك.
نهى: ومين بقى الزوجين دول إن شاء الله أنت مش جوزى ولا تربطنى بيك أى علاقة .
أحمد بيرمى علبة الشبكة ع التربيزة: بصى يا نهى أنا هسيبك يومين علشان تهدى وتعقلى ومش هحسبك ع الكلام ده.
نهى: أحمد أنت طالما شكيت فيا خلاص خلصت.
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:20 am | |
| أحمد خرج من عند بيت نهى وهو شااااااااااااااااايط منها ومن اللى حصل ومش عارف يعمل ايه فقال لنفسه: إيه بس اللى انا عملته ده يا ربى؟؟؟يعنى كده نهى ضاعت منى فى غمضة عين وممكن مترجعش تانى لعندها ورامتها طبعا اللى انجرحت...بس لو اعرف مين السبب فى اللى حصل..........بس أكيد حد بيكره نهى ومش عاوزينا نكون مع بعض؟؟بس يا ترى مين؟
فى بيت نهى
نهى دخلت أوضتها على طول بعد ما سابت أحمد ومش مبطلة عياط مش علشان أحمد شك فيها وبس؟ لا علشان هى كده خلاص أنفصلت عنه وديه حاجة عقلها مش متقبلها
وفى نفس الوقت مش مبطلة عياط علشان أحمد. وهى ع الحال ده أمها دخلتلها
أم نهى: نهى أنتى لسة بتعيطى.
نهى بتمسح دموعها: لا يا ماما مش بعيط.
أم نهى: لا بتعيطى تقدرى تقوليلى انتى زعلانة ليه دلوقتى ؟؟مش أنتى اللى قولتيله انك مش عاوزاه. والحمد لله انها جت منك انتى أحسن ما انت تيجى منه.
نهى بتعيط: والله بقى منى ولا منه خلاص يا ماما كل حاجة ضاعت. وانا كمان خلصت.
أم نهى: لا ليه بتقولى كده بس انتى حلوة وصغيرة وألف واحد يتمناكى.
نهى: بس انا ياماما مش بشوف من الألف دول غير واحد وبس ..هو أ...أ..أحمد.
أم نهى بتبتسم: نهى لازم تعيشى حياتك طبيعية وعادى يعنى واحد راح فيه ألف غيره طب انتى عارفة طنطك هالة قبل ما تتجوز كانت مخطوبة لواحد وكانت...
نهى تقاطع أمها وتقولها بنرفزة: أرجوكى يا ماما بقى متحكليش حاجة عن حد أنا مش عاوزة أعرف وأرجوكى كمان سيبينى فى حالى بقى خلااااااااااااااااااااااص.
أم نهى: والله انتى عبيطة انا مش عاوزاكى تعيطى خالص ده ولا يستاهلك.
نهى: يا ماما اى راجل فى مكانه كان هيشك برضه أحمد مش غلطان بس كل ما فى الأمر ان النفوس زعلانة من بعض شوية.
أم نهى: يعنى انتى بعد اللى حصل ممكن ترجعيله تانى؟؟؟ده انتى تبقى دوستى على كرامتك بالجزمة.وبعد كده يستهيفك.
نهى: يا ماما حرااااااااااااااااااااااااااااام عليكى سيبينى بقى وبعدين مين السبب فى أرتباطى با احمد مش انتى؟
أم نهى: أنـــــــــــــــــــــــــــا؟؟؟وأنا مالى؟
نهى: مش انتى اللى خلتينى اول مرة ادخل الصيدلية ديه علشان اجيبلك الروشتة شوفتى اللى حصل بقى علشان بعد كده متقوليليش اشترى حاجة.
أم نهى: والله انتى كنتى داخلة تجيبى علاج مش تجيبيلى قلب الدكتور وتيجى.
نهى:طب خلاص يا ماما انا هنام.
أم نهى: لا متناميش قومى البسى وتعالى نخرج.
نهى:يا ماما مش عاوزة أخرج انا عاوزة انام.
أم نهى: يا عبيطة قومى البسى أحلى حاجة عندك وهو لما يشوفنا نازلين يعرف إنه ولا يساوى عندك حاجة وتولعيه أكتر.
نهى بتعيط: ماما ارحمينى والله ما ناقصة اقولك انا هروح الحمام عن آذنك.
نهى خرجت من الأوضة فى منتهى التوتربس حست إن الدنيا بتلف بيها وجسمها كله بينمل وبترتعش وقدرتش تسيطر على نفسها وفجأة وقعت ع الأرض وهى فاقدة الوعى تمامـــــــــــــــــــــــــــــــــــــــــا...
أم نهى شافتها كده أتفزعت عليها وحاولت تفوقها لكن هى مش بتفوق خااااااااااالص فجريت بسرعة أتصلت باحمد علشان تقوله يجيب دكتور ويجى...
أحمد فى بيت نهى*
أحمد: ها يا دكتور أشرف فيه ايه؟
د.أشرف: والله يا د.أحمد ضغطها عالى جداا غير إن عندها حالة من حالات الانهيار العصبى ولازم تتنقل المستشفى.
أحمد: لا لا مش لازم مستشفى هى ممكن تفضل هنا وهتلاقى كل الرعايا .
د.أشرف:أيوة يا دكتور بس هناك علشان مواعيد الحقن وقياس الضغط ومحتاجة رعايا شديدة إلا أذا حضرتك بقى اللى تباشرها بنفسك يبقى كده نطمن ومفيش مانع تفضل هنا.
أحمد بيبوص لأم نهى: طبعا يا دكتور أنا هكون معاها باستمرار متقلقش.
**ونعود للآنسة سمــــاح**
طبعا هى كانت فرحانه فى نهى جدااااااااااااااااااااا علشان اللى حصل مع أحمد بس اتغاظت أكتر لما شافت إن أحمد هو اللى جايب الدكتور وبعدين نزل يجرى يجيب الدوا لنهى وجهاز الضغط فقررت إنها تطلع لنهى كأنها بتطمن عليها.
سماح: أزيك يا مراة عمى عاملة ايه؟
أم نهى: أهلا يا سماح اتفضلى...
سماح: انا شوفت الدكتور نازل من عندكم هو فيه ايه؟؟هى نهى تعبانة ولا ايه؟
أم نهى: لا ابدا بس ضغطها عالى شوية وأحمد التخض عليها وجابلها الدكتور.
سماح: أيه اتخض عليها .......طيب انا هدخل اشوفها.
أم نهى: بس هى نايمة دلوقتى يا سماح خليكى قاعدة معايا على ما تصحى.
وهما قاعدين بيتكلموا احمد دخل وشاف سماحبس تجاهلها خالص ولا كأنه شايفها وقال لأم نهى: أنا هدخل يا طنط علشا أدى لنهى العلاج عن آذنك.
سماح شافت كده أتغاظت اكتر وسابتهم ونزلت وكانت حماتها موجودة .
سماح: هااى يا طنط أزيك.
أم عماد: أهلا يا ست سماح أنا قاعدة مستنياكى بقالى ساعة وبعتنالك عند عمك وانتى ولا سألة .
سماح: معلش يا طنط بس نهى بنت عمى كانت تعبانة وكنت عندها.
أم عماد: والله يا ست سماح انتى أحوالك مش عجبانى وعماد بيشتكى منك ومن أهمالك
ليه وده مينفعش.
سماح: يعنى عايزنى أعمله ايه ياعنى؟
أم عماد: يعنى هو بيقولك ننزل نشوف الفرش بتاع الشقة تقوليله مش فاضية..ليه يعنى وراكى إيه؟؟؟
سماح: بقولك إيه يا طنط انا مش طايقة نفسى وسيبينى فى حالى.
أم عماد: ما تتكلمى بأدب أنا بنتى متجرؤش ترد عليا زيك كده.
سماح: والله انتى بتقولى على بنتك مش عليا وابنك مش عاوزنى خلاااااااااااااااص.
أم عماد: ماشى يا سماح مفيش مشكلة لو سمحتى عاوزة حاجة ابنى.
سماح: حاجة ايه؟
أم عماد: الشبكة يا أستاذة.
سماح: والله ابنك هو اللى سابنى مش انا اللى سيبته وبالتالى الشبكة من حقى.
أم عماد: يعنى ده أخر كلام عندك.
سماح: أأأأأأأأأأأأأأأأأأه وبلغى ابنك كده ومعنديش كلام غير اللى قولته.
نرجع تانى لاحمد ونهى*
أحمد كان قاعد جنب نهى وهى نايمة بعد ما اداها الدوا وماكتها كانت قاعدة معاهم وكان باين على احمد انه هو زعلان جدااااا وعيونه كل شويه تدمع علشان اللى حصل لنهى ولما ام نهى لاحظت كده قالتله: انت بتعيط يا احمد؟
أحمد:لا ابدا يا طنط أنا بس زعلان علشان نهىتعبانه.
أم نهى: انت بتحب نهى يا احمد؟
أحمد: طبعا يا طنط والله نهى عندى أغلى من أى حاجة فى الدنيا بس هى تقوملى بالسلامة كده وانا اعوضها عن كل اللى حصل.
أم نهى: طب واتللى يحب حد يشك فيه؟؟؟
أحمد: والله ياطنط انا عمرى ما شكيت فى نهى بس أى حد مكانى كان لازم على الاقل يضايق بس مش معنى كده إنى صدقت الصور...
وهما بيتكلموا نهى بدأت تقلق وفتحت عنيها شافت أحمد قدامها وبيقولها: سلامتكيا حبيبتى كده برضه تخضينى عليكى؟؟؟
نهى مش قادرة تتكلم...
أحمد: يالا بقى علشان تاكلى انتى لسة مفطرتيش.
نهى بتعيط وتدور وشها الناحية التانية: ماليش نفس مش عاوزة أكل ولا عاوزاك ولو سمحت وجودك هنا مالهوش أى لزمة.
أحمد: بس أنا بقى عاوزك وليكى عندى لزمة ولا انتى ايه رأيك؟؟
نهى بتحاول تخفى أبتسامتها: خلاص يا أحمد خلصت.
أحمد: يا كداااااااااااااااابة عنيكى فضحاكى انتى تقدرى يعنى تستغنى عنى.
نهى بجديه: ااااااااااااااااه اقدر.
أحمد: بس أنا مقدرش .
نهى بدأت عنيها فى العياط.....
أحمد: خلاص بقى متعيطيش مع إن عنيكى بتبقى حلوة جداااااا وهى مرغرغة كده بالدموع.
نهى ضحكت.
أحمد : ايوة كده أضحكى هو انا عندى كام نهى.... خلاص كده صافى يا لبن.
نهى بتضحك: حليب يا آشطة. | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:21 am | |
| *ومرت الأيام بعد ما أتصالح أحمد ونهى وأتعدلت الأمور ما بينهم نسبيا إلا أن نهى ما نسيتش اللى حصل بس أحمد كان بيحاول ينسيها بتفاهمه ليها ومعاملته الطيبة معاها وعلشان القلق اللى كانت عايشة فيه نهى ده أحمد حاول إنه يسرع بكتب الكتاب واتكلم مع الحاج محمد أبو نهى فى كده ووافق إنه يكون كتب الكتاب فى خلال شهر تقريبا ....
*أما محمد فكان لسة قاعد فى بيت والده من بعد الحادثة ورافض جوازه من بنت عمته سكرة وفى نفس الوقت أهله قرروا إنهم ما يضغطوش عليه لأن أبوه خاف إنه يضيع منه وخاصة بعد موقف الحادثة بس كانت لسة فكرة السفر لأى دولة عربية أو أوروبية مسيطرة على محمد وقرر إنه يكلم أحمد أخوه فى كده
أحمد: يعنى ايه يا محمد مش كفاية إن انت سايبنا وعايش لوحدك كمان عاوز تسافر وتبعد خالص.
محمد: طب يعنى هعمل إيه؟؟؟ما انت شايف بابا مش هيرتاح غير لما يجوزنى وانا كمان مش طايق العيشة هنا.
أحمد: يعنى انت مش طايق العيشة هنا تروح فى غربة ولوحدك هتقدر تستحمل الوحدة.
محمد: طب ما هو هنا زى هناك أيه الفرق يعنى هنا وحدة وهناك وحدة.
أحمد: لا يا محمد انت هنا فى بلدك ووسط أهلك واخواتك لو سافرت هتشعر بالوحدة اكتر وكمان هنكون قلقانين عليك جدااااا علشان خاطرى حاول تفكر تانى انا مقدرش اتخيل انك تسيب مصر وتبعد عننا..
محمد بيحاول يغير الموضوع: طب قولى بقى انت عملت ايه مع نهى؟
أحمد: الحمد لله بقت كويسة جداا بس انا خايف من خطوة كتب الكتاب ديه.
محمد مندهش: خاااايف من ايه؟ وبعدين ازاى خايف وانت بنفسك اللى عاوز الوضوع ده يتم بسرعة؟
أحمد: انا عاوز الموضوع ده يتم بسرعة لأنى قلقت من نهى من أخر مرة وعاوز أقوى الرابط اللى بينا يعنى اديك شايف من أول موقف رميتلى الشبكة وقالتلى مش عاوزاك لكن لما تكون مراتى مش هتقدر تتطلق غير بموافقتى.
محمد:أيه التفكير ده يا احمد لا غلط طبعا انت ناسى ان فيه قانون الخلع يعنى نهى لوفكرت تتطلق هتطلق غصب عن عينك ده أولا
ثانيا بقى المفروض اللى بيربط الراجل بحبيبته أو زوجته مش ورقة عند المآذون وبس ...لكن الحب هو اللى بيربط بينهم ...
ماهى ممكن بتكون واحدة متجوزة ومخلفة مثلا طفلين تلاته وبتطلق من زوجها يبقى أيه لزمة عقد الزواج ساعتها..ولا حاجة ولا ربطهم ببعض اصلا غير حبهم لبعض والعشرة الطيبة.
أحمد: أيوة يا محمد عندك حق بس مش عارف يعنى انا نفسى اعيش مع نهى مش مع غيرها قصة حب حلوة قبل وبعد الجواز وده طبعا مش متاح فى الخطوبة لكن فى فترة كتب الكتاب على الأقل لوطلبت من والدها ننزل حتى نختار الفرش مش هيعارض.لأنها هتكون مراتى.
محمد: صح كده فى ديه عندك حق بس خلى بالك إن نهى كويسة وبتحبك حاول دايما تخلى الحب ده فى نماء وسعادة لأن أيام الدنيا معدوده ما تضيعوش الأيام ديه فى الخناق والزعل فاهمنى يا احمد.
أحمد: طبعا فاهمك ربنا يخليك لينا ويقومك بالسلامة يا رب.
نرجع لعاطف اللى ناسينه من زماااااان
**عاطف كان قاعد فى الاوضة بتاعته بيفكر بصوت عالى: يااااه يا واد يا عاطف ايه اللى بيحصل ده ...بقى تبقى البنت اللى انت كنت معجب بيها فجأة كده تبقى خطيبة أخوك وبعد كام يوم هتبقى مراته....ممممم انا غلطان من الأول انى وافقت ع الجوازة ديه لأنه كان لازم ادافع عن حقى فى نهى زى ما احمد دافع عن حبه ليها وخطبها بسرعة..بس خلاص بقى الوقت فات وانا مينفعش اشوفها غير مراة اخويا وبس مش اكتر من كده بس انا كان نفسى الاقى بنت احبها..اشمعنى انا يعنى هو انا مش بنى آدم ولا ايه انا كمان من حقى أحلم واحقق احلامى مع فتاه أحلامى ....
*عاطف طبعا مكنش مبطل احلام كده ودخل عليه أحمد*
أحمد: عاطف.انت قاعد فى الضلمة كده ليه.
عاطف: هاااا لا ابداااا مفيش انا بس كنت مصدع شوية وتعبان.
أحمد: مصدع وتعبان... وهو اللى مصدع وتعبان يعيط برده ودموعه تنزل كده.
عاطف: غصب عنى والله يا احمد انا بس مضايق شوية.
أحمد: من ايه.
عاطف: مفيش حاجة انا بس مش قادر اتكلم دلوقتى اقولك نأجل كلامنا للصبح أحسن تصبح على خيــــــــر
أحمد: ماشى يا عاطف وانت من أهل الخير.
*طبعا مش لازم ننسى أحمد ونهى*
تانى يوم الصبح أحمد اتصل بنهى وهى ردت عليه وهى نايمة.
نهى:ايوة يا احمد صباح الخير.
أحمد: صباح النور يا حبيبتى انتى لسة نايمة.
نهى:اااااه كنت تعبانة شويه.
أحمد: لا ألف سلامة عليكى بصى قومى دلوقتى كده وفوقى علشان انا جاى لكم النهاردة.
نهى: طيب يعنى اعمل ايه؟ الساعة لسة 9 الصبح وانت هتيجى على 8 بليل يعنى فاضل تقريبا 11 ساعة.
أحمد:ايوة ما انا عارف على ما تفوقى يعنى.
نهى بتضحك: يعنى هفوق فى 11 ساعة ليه يعنى نايمة فى كهف.
أحمد: ماااااشى ع العموم انا كنت محضرلك مفجأة خلاص بقى مش هاجى.
نهى بلهفة: ليه بس.
أحمد: يعنى عاوزانى أجى.
نهى: طبعــــــــــــــــــا.
أحمد: ليه اللى يشوف كده يقول انى وحشتك.
نهى ساكتة ومش بترد.
أحمد: نهى ....نهى.
نهى: نعـــــــم
أحمد: هو انا بجد وحشتك؟؟؟؟؟؟؟؟
نهى: لأ موحشتنيش يا احمد .بس برده وحشتنى لكن مش أوى يعنى
أحمد: بقى كده................ خلاص براحتك
نهى: هستناك بليل.
أحمد: لا مش هاجى.
نهى: لا هتيجى.
أحمد: لا يا نهى مش هاجى مش انا موحشتكيش يبقى مش هاجى.
نهى: والله العظيم وحشتنى جداااا وانت عارف من غير ما اقولك.
أحمد: ايوة يا نهى بس انا بحب اسمع منك حتى ولو بالكدب لكن انتى بيكون جواكى حاجة وتظهرى عكسها تماما.
نهى: خلاص بقى حقك عليا علشان خاطرى متزعلش.
أحمد: خلاص يا حبيبتى مش زعلان.
نهى: هستنـــــــــــــــــاك.وده بالأمر مفهووووووم.
أحمد: طبعا مفهوم حد يقدر يكسر كلام الحكومة. | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:21 am | |
| *ومرت الأيام بعد ما أتصالح أحمد ونهى وأتعدلت الأمور ما بينهم نسبيا إلا أن نهى ما نسيتش اللى حصل بس أحمد كان بيحاول ينسيها بتفاهمه ليها ومعاملته الطيبة معاها وعلشان القلق اللى كانت عايشة فيه نهى ده أحمد حاول إنه يسرع بكتب الكتاب واتكلم مع الحاج محمد أبو نهى فى كده ووافق إنه يكون كتب الكتاب فى خلال شهر تقريبا ....
*أما محمد فكان لسة قاعد فى بيت والده من بعد الحادثة ورافض جوازه من بنت عمته سكرة وفى نفس الوقت أهله قرروا إنهم ما يضغطوش عليه لأن أبوه خاف إنه يضيع منه وخاصة بعد موقف الحادثة بس كانت لسة فكرة السفر لأى دولة عربية أو أوروبية مسيطرة على محمد وقرر إنه يكلم أحمد أخوه فى كده
أحمد: يعنى ايه يا محمد مش كفاية إن انت سايبنا وعايش لوحدك كمان عاوز تسافر وتبعد خالص.
محمد: طب يعنى هعمل إيه؟؟؟ما انت شايف بابا مش هيرتاح غير لما يجوزنى وانا كمان مش طايق العيشة هنا.
أحمد: يعنى انت مش طايق العيشة هنا تروح فى غربة ولوحدك هتقدر تستحمل الوحدة.
محمد: طب ما هو هنا زى هناك أيه الفرق يعنى هنا وحدة وهناك وحدة.
أحمد: لا يا محمد انت هنا فى بلدك ووسط أهلك واخواتك لو سافرت هتشعر بالوحدة اكتر وكمان هنكون قلقانين عليك جدااااا علشان خاطرى حاول تفكر تانى انا مقدرش اتخيل انك تسيب مصر وتبعد عننا..
محمد بيحاول يغير الموضوع: طب قولى بقى انت عملت ايه مع نهى؟
أحمد: الحمد لله بقت كويسة جداا بس انا خايف من خطوة كتب الكتاب ديه.
محمد مندهش: خاااايف من ايه؟ وبعدين ازاى خايف وانت بنفسك اللى عاوز الوضوع ده يتم بسرعة؟
أحمد: انا عاوز الموضوع ده يتم بسرعة لأنى قلقت من نهى من أخر مرة وعاوز أقوى الرابط اللى بينا يعنى اديك شايف من أول موقف رميتلى الشبكة وقالتلى مش عاوزاك لكن لما تكون مراتى مش هتقدر تتطلق غير بموافقتى.
محمد:أيه التفكير ده يا احمد لا غلط طبعا انت ناسى ان فيه قانون الخلع يعنى نهى لوفكرت تتطلق هتطلق غصب عن عينك ده أولا
ثانيا بقى المفروض اللى بيربط الراجل بحبيبته أو زوجته مش ورقة عند المآذون وبس ...لكن الحب هو اللى بيربط بينهم ...
ماهى ممكن بتكون واحدة متجوزة ومخلفة مثلا طفلين تلاته وبتطلق من زوجها يبقى أيه لزمة عقد الزواج ساعتها..ولا حاجة ولا ربطهم ببعض اصلا غير حبهم لبعض والعشرة الطيبة.
أحمد: أيوة يا محمد عندك حق بس مش عارف يعنى انا نفسى اعيش مع نهى مش مع غيرها قصة حب حلوة قبل وبعد الجواز وده طبعا مش متاح فى الخطوبة لكن فى فترة كتب الكتاب على الأقل لوطلبت من والدها ننزل حتى نختار الفرش مش هيعارض.لأنها هتكون مراتى.
محمد: صح كده فى ديه عندك حق بس خلى بالك إن نهى كويسة وبتحبك حاول دايما تخلى الحب ده فى نماء وسعادة لأن أيام الدنيا معدوده ما تضيعوش الأيام ديه فى الخناق والزعل فاهمنى يا احمد.
أحمد: طبعا فاهمك ربنا يخليك لينا ويقومك بالسلامة يا رب.
نرجع لعاطف اللى ناسينه من زماااااان
**عاطف كان قاعد فى الاوضة بتاعته بيفكر بصوت عالى: يااااه يا واد يا عاطف ايه اللى بيحصل ده ...بقى تبقى البنت اللى انت كنت معجب بيها فجأة كده تبقى خطيبة أخوك وبعد كام يوم هتبقى مراته....ممممم انا غلطان من الأول انى وافقت ع الجوازة ديه لأنه كان لازم ادافع عن حقى فى نهى زى ما احمد دافع عن حبه ليها وخطبها بسرعة..بس خلاص بقى الوقت فات وانا مينفعش اشوفها غير مراة اخويا وبس مش اكتر من كده بس انا كان نفسى الاقى بنت احبها..اشمعنى انا يعنى هو انا مش بنى آدم ولا ايه انا كمان من حقى أحلم واحقق احلامى مع فتاه أحلامى ....
*عاطف طبعا مكنش مبطل احلام كده ودخل عليه أحمد*
أحمد: عاطف.انت قاعد فى الضلمة كده ليه.
عاطف: هاااا لا ابداااا مفيش انا بس كنت مصدع شوية وتعبان.
أحمد: مصدع وتعبان... وهو اللى مصدع وتعبان يعيط برده ودموعه تنزل كده.
عاطف: غصب عنى والله يا احمد انا بس مضايق شوية.
أحمد: من ايه.
عاطف: مفيش حاجة انا بس مش قادر اتكلم دلوقتى اقولك نأجل كلامنا للصبح أحسن تصبح على خيــــــــر
أحمد: ماشى يا عاطف وانت من أهل الخير.
*طبعا مش لازم ننسى أحمد ونهى*
تانى يوم الصبح أحمد اتصل بنهى وهى ردت عليه وهى نايمة.
نهى:ايوة يا احمد صباح الخير.
أحمد: صباح النور يا حبيبتى انتى لسة نايمة.
نهى:اااااه كنت تعبانة شويه.
أحمد: لا ألف سلامة عليكى بصى قومى دلوقتى كده وفوقى علشان انا جاى لكم النهاردة.
نهى: طيب يعنى اعمل ايه؟ الساعة لسة 9 الصبح وانت هتيجى على 8 بليل يعنى فاضل تقريبا 11 ساعة.
أحمد:ايوة ما انا عارف على ما تفوقى يعنى.
نهى بتضحك: يعنى هفوق فى 11 ساعة ليه يعنى نايمة فى كهف.
أحمد: ماااااشى ع العموم انا كنت محضرلك مفجأة خلاص بقى مش هاجى.
نهى بلهفة: ليه بس.
أحمد: يعنى عاوزانى أجى.
نهى: طبعــــــــــــــــــا.
أحمد: ليه اللى يشوف كده يقول انى وحشتك.
نهى ساكتة ومش بترد.
أحمد: نهى ....نهى.
نهى: نعـــــــم
أحمد: هو انا بجد وحشتك؟؟؟؟؟؟؟؟
نهى: لأ موحشتنيش يا احمد .بس برده وحشتنى لكن مش أوى يعنى
أحمد: بقى كده................ خلاص براحتك
نهى: هستناك بليل.
أحمد: لا مش هاجى.
نهى: لا هتيجى.
أحمد: لا يا نهى مش هاجى مش انا موحشتكيش يبقى مش هاجى.
نهى: والله العظيم وحشتنى جداااا وانت عارف من غير ما اقولك.
أحمد: ايوة يا نهى بس انا بحب اسمع منك حتى ولو بالكدب لكن انتى بيكون جواكى حاجة وتظهرى عكسها تماما.
نهى: خلاص بقى حقك عليا علشان خاطرى متزعلش.
أحمد: خلاص يا حبيبتى مش زعلان.
نهى: هستنـــــــــــــــــاك.وده بالأمر مفهووووووم.
أحمد: طبعا مفهوم حد يقدر يكسر كلام الحكومة. | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:22 am | |
| ** أحمد صحى نهى من النوم علشان تستعد لأنه جاى بليل هى مش عارفة برضه هتستعد لأيه بس هو قال إن فيه مفجأة لنهى فقعدت تفكر ممكن يكون فيه أييييييه بس مش عارفة تخمن واليوم ده عدى عليها بفارغ الصبر واخيييييييرا نهى سمعت جرس الباب وكان أحمد هو اللى ع الباب ...
دخل أحمد وسلم على كل أهل البيت إلا نهى تجاهلها تماااااااما ولا كأنه شايفها ولا هى موجوده أصلا وقعد يتكلم مع أم نهى فى أى كلام حتى لو كانوا هيتكلموا فى أخبار شيكاغو فنهى بصتله بأرف كده ودخلت على المطبخ تحضرله حاجة يشربها وخرجت تقدمها
أحمد: ميرسى وتعبة نفسك ليه بس.
نهى ببرود:لا بردوا أزاى أنت ضيفنا برده يا دكتور. وليك واجبك.
نهى حاولت تستفز أحمد بالكلام ده لكن هو عمل نفسه ولاااااا همه والتفت لأم نهى علشان يكمل كلام معاها.ولا كأن نهى موجودة من أساسه..
أم نهى بصوت واطى:فيه ايه يا أحمد؟أنت بتعمل كده ليه انت مش واخد بالك ان نهى موجودة ولا أيه؟
أحمد بيضحك :لا يا طنط أزاى يعنى بس انا بجننها شوية علشان هى دايما توصلى أحساس إن وجودى بالنسبة لها زى عدمه فأنا بقى بوريها انها هى اللى موجودة وانا متجاهلها.
أم نهى:ماشى بس حاسب لا اللعبة تتقلب على دماغك وترجع تعيطلى ساعتها أنا ماليش دعوة.
أحمد: لا متخافيش انا عملكم كلكم مفجأة لا ع البال ولا على الخاطر ولنهى بالتحديد.
أم نهى: والمجأة ديه فى الشنطة اللى معاك صح.
أحمد: لا يا طنط ده أنا جايب 10 كيلو بطاطا لماما أصلها بتحبها هههههههه.
أم نهى: ماشى يا أحمد بتهزر وسايب نهى راحت مسكت التلفون يبقى مش هتخلص دلوقتى.
أحمد: أأأأه ما انا واخد بالى عن آذنك.
*أحمد راح عند نهى وكانت لسة هتطلب صحبتها *
أحمد بياخد السماعة من نهى: هتكلمى مين؟
نهى ببروووووود: وأنت مالك ؟؟
أحمد: أمال مين اللى ماله يا هاااانم.
نهى: والله انت مالكش دعوة أكلم اللى اكلمه هو انت واصى عليا.
أحمد: يا سلام على زوجة المستقبل سايبانى اتكلم مع مامتها ورايحة ترغى فى التلفون ..من دلوقتى بتعملى كده طب بعد 15 سنة هتعملى ايه فيا.
نهى: ولا حاجة.مش هعمل حاجة وعن آذنك علشان نازله هدخل البس.
أحمد: رايحة فيييييين. الساعة 9 دلوقتى مفيش نزول
نهى: مالكش دعوة هنزل بمزاجك أو حتى غصب عنك.
أحمد بجديه: يعنى أييييه كلامى مالهوش اعتبار عندك؟
نهى حست إن الهزار قلب بجد واحمد هيبتدى يتنرفز فحاولت تلطف وقالت: طب يعنى هعملك ايه مش انت من ساعة ما دخلت وانت قاعد مع ماما ولا كأنى انا موجوده ولا كأنك شايفنى حتى مكلفتش خاطرك وقلتلى أزيك .أنت جاى علشانى ولا علشان ماما.
أحمدج قعد على الكرسى وساب نهى واقفة وحط رجل على رجل وقالها: والله دى حماتى .أنتى حتى حماتى غيرانه منها.
نهى: والله انا مش بغير.
أحمد: مش بتغيرى ده انتى هتعيطى من الغيظ.
نهى: والله يا فندم مش انت اللى يتغار عليك ولا يتبكى عليك.
أحمد: أومال مين بقى اللى يتبكى عليه.
نهى باصتله علشان أسلوب البرود اللى بيكلمها بيه وسابته ومشيت. ودخلت الصالون.
أحمد بينادى عليها بنرفزة : نهى خدى هنا بقولك.
نهى: نعم فيه ايه تانى؟
أحمد: انتى هتسيبينى اقعد لوحدى مش المفروض تقعدى معايا.
نهى: مش انت جاى تقعد مع حماتك اهى فى المطبخ روح اقعد معاها خرطلها الملوخيه.
أحمد: بس انا مبعرفش أخرط ملوخيه ممممم طب ممكن تبقى تعلمينى.
نهى بتضحك: والله يا احمد عيب اللى احنا بنقوله لبعض ده.
أحمد: واما انتى عارفة انه عيب بتقولى اللى بتقوليه ليه؟
نهى: انا برد على كلامك بس خلاص .
أحمد: خلاص يا ستى حصل خير أنا آسف.
نهى: ماشى أعتذارك مقبوووول.
أحمد: وانتى مش هتعتذرى؟
نهى: أنا.....ما انا قولتلك خلاص معلش.
أحمد: ماشى يا نهى المهم انا عاملك مفجأة هتفرحك.
نهى: بجد ...ايييييه قول بسرعة.
أحمد لا استنى نادى ماما الاول وتعالى.
نهى راحت جابت مامتها من المطبخ وقالتله: هااااا ماما اهى قول بقى....
أحمد:مممم طب يا ماما غمضى لنهى عنيها واتأكدى انها مش شايفانى.
أحمد: خلااااااااص فتحى.
نهى: واااااااااااااااااو ايه الفستان الحلة ده ده فستان فرح.
أحمد: ايييه رأيك فى ذوقى يا عروسة؟
نهى: حلو أوى ...أوى ..أوى كمان ومنفوش جاااااامد انا بحب الفستان اللى كده.....بس
أحمد: بس ايه؟
نهى: ده لسه سنة على جوازنا يبقى ليه جبت الفستان من دلوقتى.
أحمد بيضحك: ما هى ديه المجأة التانية.. بصى يا ستى انا خلاص اتفقت مع باباكى ان كتب الكتاب بعد حوالى 28 يوم من دلوقتى صح.
نهى:اااه صح.
أحمد: طيب يا ستى والمجأة ان الدخلة بعدها ب 3 شهور ....أيه رأيك؟
نهى بفرحة كبييييييييييييييرة:بجد يا احمد وبا با وافق؟
أحمد: طبعا وافق بس طبعا بمجهود طنط
نهى :ماما ................ربنا يخليكى ايا يارب وميحرمنيش منكم.
أحمد: خلاص يا آنسة قدامك تلت شهور تخلصى فرش الشقة مفهووووووم .
نهى مكسوفة:حاااااضر.
أحمد: طب انتى ايه اللى مخليكى قاعدة معانا؟ انتى مش نازلة مشوارك ولا ايه؟
نهى: لا بقى مشوار ايه واسيب حبيبى لمين...
**أما سماح فبعد ما اتفقت مع عماد خطيبها انه هيجى عندهم بليل أتصلت بيه تانى واعتذرتله بحجة إن مامتها راحت عند خالتها علشان تعبانة وهى مش هتقدر تقعد معاه فى البيت لوحدها ومفيش حد موجود واتفقوا انه يجى تانى يوم
بس طبعا ديه كانت حجة كدابة منها علشان كان عندها ميعاد مع واحد من اللى تعرفهم.
**أما عماد فكان اتفق مع اتنين اصحابه انهما يخرجوا بليل يدخلوا سينما ويتعشوا برة.
وهو ماشى بالعربية مع اصحابه أتصل بسماح يطمن عليها.
عماد: أزيك يا حبيبتى؟؟ وحشتينى.
سماح: هاى يا عماد أزيك عامل ايه؟؟؟انت فين؟
عماد: لا انا خرجت مع اصحابى...انما قوليلى ايه صوت الدوشة اللى حواليكى ديه انتى فى الشارع ولا ايه؟
سماح بتردد: هاااااا لا ابدا انا ...انا واقفة فى البلكونة.
عماد: طيب يا حبيبتى خلى بالك من نفسك.
سماح: إن شاء الله باى.
سماح قفلت مع عماد وكانت خايفة جدااااا انه يكتشف انها برة البيت وككمان خارجة مع واحد والساعى بقت 10.بليل.
أما عماد فصحابه قلوله خلاص كده احنا نروح نتعشى فى كازينو جديد ع الكورنيش.
وهما هناك عماد كان قاعد وشاف على ترابيزة بعيدة شوية عنهم سماح وهى قاعدة مع واحد ماسك ايديها وبيضحكوا......فقام بسرعة علشان يعرف ايه الحكايه.
عماد بنرفزة: أهلا يا آنسة يا محترمة.هى ديه البلكونة اللى انتى فيها؟
سماح بخوف: عماااااااااااااد ..
عماد: مين ده يا آنسة؟
سماح بتردد: ده...ده .اه ده أمجد.
عماد: والله وتطلع ايه بقى يا سى أمجد؟
أمجد: أنا صاحب سماح انت اللى مين؟
عماد: أنا خطيبها يا حبيبى.
الواد أمجد أول ما سمع كده خاف وراح حاطط حساب الترابيزة وطلع يجرى من قدام عماد وقاله: معلش انا بس عندى منشوار مهم وكمان انا ماليش علاقة بيها ياريت انت تخليها تبعد عنى .عن آذنكم..
طبعا الكازينو كله اتلم على عماد وهو ماسك سماح من شعرها : قداااااااااااامى يا هانم يا متربيةع البيت.
سماح: انهى بيت وبعدين اوعى كده انت مالكش ضرب عليا ولو على دبلتك .......
عماد بيقاطع سماح: مين قالك انى انا عاوزك أصلا انا ميشرفنيش أنك تكونى مراتى انا بس اللى كنت اعمى ومغفل... وانا اللى مش عاوزك بس شبكتى وحاجتى والهدايا اللى انا جبتهالك كلللللللللها هاخدها لأنه خسارة فيكى حتى شوية التفكير اللى كنت بفكرهم فيكى. | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:23 am | |
| دخلت نهى على أوضتها بعد ما احمد ما ماشى من عندهم مباشرة ومعاها الفستان وكانت فرحانة بيه جدااااا وفرحانه كمان ان خلاص فرحها قرب بس كانت شايلة هم الدراسة اللى هتبدأ بعد شهر ومش عارفة هتعمل فيها ايه يا ترى ممكن تأجل السنة دى علشان الجواز وتتخلى عن أحلامها وطموحها فى أنها تكون أنسانه ناجحة فى كل ميادين الحياة وخاصة دراستها ولا تأجل الزواج لحد الترم الأول بس ما يخلص؟؟ فضلت يا عينى البنيه تكلم نفسها لحد ما كانت هتتجنن: يااااااربى أعمل ايه بس ؟؟؟ظانا داخلى على دراسة أزاى اقدر أوفق بين البيت والدراسة .......بلاش كده الدراسة بعد شهر والجواز بعد 3 شهور يعنى على ميعاد الفرح تكون بدايه الترم التانى او حتى نهايه أجازة نص السنة....طب والبيت ده انا مطلوب منى أعمل كل حاااااااجة كنس وطبيخ وغسيل وكل حاااااااجة طب وبعدين انا هنا برجع من الكلية بتكون كل حاجة جاهزة وبسيب الاوضة عاملة زى سوق الأزبكية من كتر الكتب والهدوم اللى مرمية فيها برجع الأقيها زى الفل ..طب ودلوقتى خلاااااص مفيش حد هيساعدنى خاااالص غير ما كمان مطلوب منى المذاكرة وانا مش بذاكر اى مذاكرة .طب وبعدين بس يا ربى فى الحيرة اللى انا فيها ديه؟؟؟؟؟؟؟؟ خلاص انا هقوم اتصل باحمد يفكر معايا فى المشكلة ديه.
نهى: هاااا يا احمد اقترح عليا ممكن أعمل ايه؟
أحمد: والله يا نهى المفروض تكونى عارفة ومدركة انك داخلة مرحلة جديدة ولازم تستعديلها كويس .
نهى: والله هما دول الكلمتين اللى ربنا قدرك عليهم .يا بنى آدم بقولك جوازنا هيجى مع بدايه الدراسة او أخر الأجازة أعمل ايه فى البيت والمذاكرة تقولى مدركة ومش مدركة.
أحمد: يعنى عاوزانى اعملك ايه يعنى هقعدلك فى البيت أطبخ لحد ما الهانم ترجع من الكليه. ولا اييه
نهى: يعنى ايه المشكلة لو ساعدتنى فى حاجة يعنى؟
أحمد: أساعد مين يا بنتى يعنى هعملك ايه؟
نهى: طب ماهى الحياة تعاون يا دكتور ولا ايه؟
أحمد: والله انا هكون فى منتهى التعاون يعنى عندى استعداد أكل كل الاكل اللى فى التلاجة ومخللكيش فيها حاجة وده نوع من التعاون برضه.
نهى بغيظ: هو أنا بتصل بيك علشان تنرفزنى ولا ايه والله يا احمد أحكم عليك كل واحد يعمل الحاجة اللى تخصه.
أحمد: ازاى بقى إن شاء الله.فهمينى يا هانم.
نهى: يعنى انت تغسل هدومك وتكويبها بقى تلبسها مكرمشة مليش دعوة وانت اللى تأكل نفسك وتصحى نفسك بأختصار كده help your self.
أحمد: ليه يا ماما على أساس أنى جوز الست ولا انتى هتتجوزى فازة فى البيت لازم تعرفى من دلوقتى ان انتى اللى هتسمعى كلامى ولا هكسرلك دماغك الناشفة ديه.
نهى: تكسر دماغ مين يا عم روح أقعد فى حتة ناشفة ولما تتكلم اتكلم على قدك فااااااهم. أقولك باىباى انا هنام.
أحمد: هتناااامى طب اياك يا نهى اسمع منك الكلمة ديه بعد الجواز هتشوفى شغلك وهوريكى مين احمد.
نهى: طب ابقى قولى هتورينى الساعة كام علشان استعد .سلام يا متعاون.
**تانى يوم الصبح**
محمد صحى من النوم بدرى علشان نازل الشغل فى المستشفى لان خلاص الأجازة بتاعته كانت خاصت من بعد الحادثة والحمد لله أسترد صحته.
**فى المستشفى**
محمد دخل حجرة الأطباء ومكنش فيها حد غير دكتورة هدير زميلته فرحبت بيه جداااا.
د. هدير: أهلا يا د.محمد ألف حمد الله على سلامتك.
محمد: الله يسلمك يا دكتورة انتى عاملة ايه وأزاى د.عمر جوزك؟
هدير: عمـــــــر؟؟؟؟؟لا يا د. محمد أحنا انفصلنا.
محمد: لا حول ولا قوة إلا بالله...بعد الحب ده كله ده بيحبك جدااااا من ايام الجامعة.
هدير: شوفت أديك انت اللى قولت بيحبك لكن انا معرفتش أبادله الحب ده.
محمد بتردد: ليه انتى مش اتجوزتيه عن اقتناع.
هدير: والله يا دكتور محمد فيه فرق كبييييير جداااا بين أقتناع القلب واقتناع العقل وأنا لما اتجوزت عمر اتجوزته باقتناع العقل مش القلب.
محمد: طب والعشرة اللى بينكم يا هدير خلاااااص راحت.
هدير بتحاول تتجاهل كلامه: محمد انا ممكن اقولك ايه سبب طلاقنا.
محمد: والله ديه أسرار وخصوصيات بس لو يريحك انك تتكلمى طبعا انا سمعك.
هدير:سبب الطلاق كان.......كاااااان....
محمد: كان ايه بس يا هدير اتكلمى.
هدير: سبب الطلاق كان انت يا محمد.
محمد بدهشة: انا ..................ليه انا ايه علاقتى بحياتك انتى وجوزك انتوا الاتنين كنتوا من أعز زمايلى فى الجامعة وبعد التخرج الحمد لله كلنا اشتغلنا فى مكان واحد.
هدير: طب أرجع بالذاكرة كده لورا شوية وافتكر ايام الجامعة وهدى وعمر وانا.
محمد: ياااااااااااااه يا هدير انتى لسة فاكرة ده المواضيع ديه فات عليها اكتر من 10 سنين.
هدير وعنيها بتدمع: الحب الأول عمره ما بيتنسى يا محمد. بس انت نسيت....نسيت حبنا لبعض وروحت ارتبط بهدى.الله يرحمها بقى.
محمد: والله يا هدير انا مرتبطش بهدى غير لما لقيت اعز اصحابى عمربيحبك.
هدير: يعنى انت بعتنى لصحبك علشان هو بيحبنى وانت فضلت مصلحتك مع هدى يبقى انت تعيش سعيد وهدى معاك وصحبك يبقى سعيد علشان اللى بيحبها معاه طب وانا مفكرتش فيا ولا كأنى موجوده كأنى بالظبط عاملة زى العروسة اللى بتحركها.
محمد: هدير انتى وافقتى على عمر ولا انا غصبت عليكى؟
هدير : ايوة وافقت بس عارف ليه علشسان مطقتش أشوفك قاعد فى الكوشة جنب الدكتورة هدى ....يعنى كنت عاوزنى اعمل ايه ودلوقتى حياتى كلها ادمرت. أنا وعمر وانت وهدى ماتت.
محمد بصوت عالى: ما تقوليش ماتت.
هدير: لا ماتت .ز وديه الحقيقة اللى انت لازم تواجها بنفسك انت لسة متخيل انها عايشة معاك .....انت بسببك دمرت حياة اربع افراد ......عمر وانا وهدى ونفسك.
محمد: كفايه يا هدير .....كفايه.
هدير: لا مش كفايه يا محمد انت مش عاوز ضميرك يصحى ليييييه مش عاوز تحس بالى اتعمل فينا كلنا ليه؟
محمد: انا معملتش حاجة انتى بتحبينى وصحبى بيحبك وانا كنت عاوزك فعلا بس حبى لهدى كان اقوى من كل حاجة فى الدنيا بدليل انى مش قادر اتجوز واحدة غيرها.
هدير: طب يا محمد انت لسة عاوزنى؟
محمد ساكت.
هدير: انطق ........بقولك لسة عاوزنى؟
محمد: مش عارف يا هدى سيبينى لوحدى دلوقتى.
هدير: ماشى يا محمد بس على فكرة انا اسمى هدير مش هدى..
وخرجت هدير من الاوضة وهى منهارة من العياط أما محمد فاستئذن وراح على بيته. | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:24 am | |
| نهى يا عينى كانت لسة قاعدة محتارة ومش عارفة هتعمل ايه فى مشكلة الدراسة والبيت والجواز وقاعدةفى أوضتها زى النحلة : يالهوى ايه ده الأيام بتمر وكتب الكتاب قرب والله يا احمد لخططلك واعرفك ازاى تقولى انا لازم تبقى مدركة انك داخلة مرحلة جديدة .قال مرحلة جديدة قال هو انا هقدم فى تنسيق الثانوية العامة والله اما انك واد عبيط بس بحبك وبموت فيك بس لازم أخرجك من دور سى السيد اللى مش راكب عليك ده ممممم ماشى سهلة هشغل التفانين واتكتكلك يا سى أحمد يعنى هو انا هغلب....
طبعا الحوار ده كان بيدور بين نهى ونفسها وأنقطع الحوار الداخلى بجرس الموبيل بتاعها وهو بيرن عامل زى سرينة الأنذار وكأن اللى بيتصل بيها شوية شوية هيخرج من التلفون يضربها قلمين علشان ترد.
نهى مسكت الموبيل وشافت رقم أحمد :أهلا يا أستاذ كويس انك اتصلت علشان أبدأخططى.معاك.
نهى بترد ع التلفون بلا مبالاة: أيوة يا احمد أزيك.
أحمد بنرفزة: ساعتين يا هانم علشان تردى ع التلفون مردتيش ليه.
نهى ببرود(وايه يعنى لو مردتش) أصلى يا احمد مكنتش سامعة التلفون معلش بس انت متنرفز كده ليه يا حبيبى.
أحمد: نهى انا هنا واقف مع العمال من امبارح بنعمل فى الشقة والصيدلية مقفولة وانا تفسى أروح أخد حمام وانام وانتى قاعدة فى بيتكم طبعا بتتفرجى ع التلفزيون وتاكلى لب مش كده.
نهى: لا والله مش كده يا احمد ده انا حتى كنت قاعدة من شوية ع الكمبيوتر ساعتين بس لكن تعبت وقومت ومن امبارح ما كلتش لب خااالص.
أحمد: ومنزلتيش ليه تفتحى الصيدلية؟ بدل قعدتك ع الكمبيوتر.
نهى: والله يا احمد بابا هنا ومزاجه مش مظبوط خالص ومش هقدر اقوله انى هنزل يعنى افتح الصيدليه .
أحمد: طب وبعدين يا نهى انا مش عارف اباشر الاتنين لو سبت الشقة لحظة واحدة العمال هيكسلوا ومش هنستلم الشقة فى ميعادها والجواز هيتأخر.أنا مانمتش من امبارح ونفسى انام ساعتين.
نهى صعب عليها أحمد جدااااا وكانت هتقوله خلاص انا ممكن انزل وانت ترتاح النهاردة بس من جواها قالت ولو لازم يعرف يعنى ايه الست ممكن تتعب بين البيت والشغل او الدراسة.
نهى: طب وبعدين هتعمل ايه؟
أحمد: مش عارف يا نهى أرجوكى ساعدينى.
نهى: والله ديه مشكلتك لواحدك وبعدين انت لازم تكون مدرك انك داخل على ظروف جديدة وتستعدلها كويس...........مش ده كلامك يا دكتور ولا ايه.
أحمد: علشان خاطرى يا نونوس.
نهى: انا لو اقدر اعملك حاجة كنت عملت بس اهو العين بصيرة والايد قصيرة.
أحمد: ماشى يا نهى بس خليكى فاكراها.
نهى: والله يا ريت انت اللى تفتكر يا احمد انه غصب عنى ومش هقدر أعمل حاجة.
أحمد: طيب انتى مش ممكن تستآذنى من بابا تروحى تجيبى الكتالوجات بتاعة أوض النوم من المعرض ونختار منها يعنى بدل ما انا اللى اروح.
نهى: والله ما هقدر يا احمد معلش.
أحمد: طب بلاش نعالى انتى هنا الشقة مع العمال وانا انزل الصيدلية واجيب الكتالوجات.
نهى بتقاطع أحمد: أنت بتهزر يا احمد عاوزنى أقعد مع العمال ولا ايه؟
أحمد: معلش يا نهى انا أسف بس والله مش عارف اعمل ايه؟
نهى: بص يا احمد انا مش هدخل الشقة غير يوم جوازنا لأنى نفسى تكون مفجآة ليا.
أحمد: نعم يا ماما يعنى حضرتك ناوية تسيبى كل حاااااااااجة على دماغى انا.
نهى:ايه المشكلة بس يا حبيبى ما انت بتجهز عش حبنا
أحمد: اااااااااااه حبنا طب اقفلى يا نهى علشان حاسس ان ضغطى بيوطى منك؟
نهى بعد ما قفلت مع أحمد كانت هتضعف وتلبس وتنزل تساعده فى اى حاجة بس قالت لنفسها: لا يانهى لازم تكونى جامده كده علشان يعرف التعب شكله ايه وغصب عن عينه يساعدنى هو ده الكلام المظبوط.مش يقولى لازم تكونى مدركة قال مدركة قال.....يالا خليه يتبهدل شوية.
--(ااااااه يا واد يا احمد الله يكون فى عون الستات اللى بيشتغلوا ويكون فى عونك يا نهى بعد الجواز أسبوع دلوقتى وانا متبهدل بين الشغل والشقة وتوضيبها ....بس انا زعلان من موقف نهى المتخاذل معايا جدااااا ديه حتى مش بتحاول تفكر تساعدنى ولو على الأقل معنويا بس يالا كله بيتخزنلها .....يعنى هى مش شايفة التعب اللى انا فيه..
--(أحمد بقاله فترة مش بيتصل بيا خالص غير قليل جدااا وانا دايما اللى اتصل بيه ليه يعنى هو ايه اللى حصل؟؟؟؟كل ده علشان عاوزاه يتعب معايا فى تأسيس البيت....المشكله مش فى كده أطلاقا...المشكله كلها انى بدأت أحس ان أحمد مش بيحبنى أو على الأقل مش بيعبر عن الحب ده وبيترجمهولى فى أى شكل هو بيحبنى جواه وخلاص حتى لو قالى كلمة كويسة بحس ان قلبى من جوا مش مقتنع ولا كأنى سمعاه أصلا على الرغم من أنى بحبه حب كبييييير جدا هو نفسه مش قادر يستحمله ولا عارف يقدره يااااااارب ساعدنى .أنا هروح أقول لماما على اللى جوايا ده وهى أكيد اللى هتفهمنى وتقدر مشاعرى وهتكلم معاها بمنطق الأم الصديقة اللى هتعطينى الرأى الصحيح.
أم نهى: والله يا نهى انتى من ساعة ما بدأتى تتكلمى وانا مش فاهمة منك حاجة خااالص يا ريت توضحى أكتر علشان أفهمك.
نهى: يا ماما أنا حاسة ان احمد مش بيحبنى أو على الاقل مش عارف يترجم عن الحب ده فى صورة أفعال.
أم نهى:يعنى انتى عاوزاه يعمل ايه يا نهى ماهو عنده شغله برضه ومتنسيش انك مدبساه فى الشقة وشايلة ايدك منها خاااالص.
نهى: يا ماما لا مش كده حاولى تفهمينى أرجوكى يعنى مثلا هو اللى بيحب حد مش بيبقى عاوزه معاه على طوول.....دلوقتى هو مش بيحاول حتى يكلمنى ولا كأنى موجوده أصلا ولا ليا شىء فى حياته وان اتصل بيا بحس انه بيقضى واجب علشان انا مزعلش لكن فين المشاعر نفسها مش موجوده. يا ماما انا حاسة ان احمد بيحبنى بمنطق العقل مش بالعواطف وأنه عاوزنى زوجة مش حبيبة وفيه فرق كبييييييير جدا بين الزوجة الحبيبة وبين الزوجة بس اللى بتختار بناء عن العقل.
أم نهى:أيه يا نهى الكلام اللى انتى بتقوليه ده المفروض ان انتى تكونى أول واحدة تحسى بمشاعر احمد تجاهك وبعدين يمكن هو علشان معندهوش تجارب قبل كده فى موضوع العواطف مش بيعرف يعبر عن اللى جواه.
نهى: يا ماما انتى بتتكلمى ازاى؟؟؟؟الحب الحاحة الوحيدة اللى مش بتتعلم الأنسان بيشعر بيه وبيعبر عنه واذا كان قلبه مش هو اللى بيحركه طب ايه اللى هيحركه وإذا كان هو مش هيحسسنى بحبه مين اللى هيحسسنى بيه. يا ماما انا بتصل بيه فى اليوم اكتر من مرتين تلاته لانى بكون حاسة انه واحشنى حتى وانا بتكلم معاه ولو فضلت يوم ما اتصلتش بيه هو بيكون عادى جداااااا طول النهار ويفتكرنى أخر الليل يقولى ازيك عاملة ايه وخلاص على كده لكن يحاول يفهم لا لغايه ما انا خايفة من اللى ممكن يحصل لو الحال استمر على كده على الاقل بعد الجواز.
أم نهى: يعنى هى المشكله دلوقتى يا نهى فى عدم اهتمامه بيكى ولا ايه.
نهى: المشكلة يا ماما انى بحب احمد اكتر من حبه ليا لانى كنت كابته على مشاعرى بشكل يخنق وفجآة اتفجرت كلها لما شوفت احمد...المشكله بقى انه ولا هو قدر يستوعب تدفق المشاعر ديه ولا حتى فضلت مكبوت عليها زى ما هى وانا حتى لما بتصل بيه دلوقتى علشان اتخانق معاه لانى مخنووووووووقة من ردوده عليا اللى فيها لا مبالاة ديه.
أم نهى: طيب يا نهى ما تقوليله على كل اللى انتى بتقوليه ده؟
نهى: لا يا ماما مش هقدر.
نهى: ليييييه مش هتقدرى بدل ما الفجوة تزيد بينكم يا بنتى ومتنسيش ان كتب الكتاب بعد كام يوم.
نهى: ياماما انا مش ناسية بس الحاجة الوحيدة اللى ما ينفعش تطلب هى المشاعر انا كده احس بالأهانة ليه ....بس انا فعلا بهين نفسى من كترة اتصالاتى بيه بس مش عارفة لما بيكون بعيد عنى بحس ان اليوم مش بيعدى وزهق وملل وعياط بدون سبب على الرغم من انى كنت قوية جداااااا قبله ومفيش راجل فى الدنيا يقدر يهزنى
ياترى نهى ممكن تعمل ايه فى مشكلة مشاعرها مع أحمد؟؟؟؟؟؟؟
فى انتظــــــــــــأار أقتراحاتكــــــــــــــــــــــــم
أنتظروووووووووونا | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:25 am | |
| **فى بيت نهى**
نهى كانت قاعدة بتحاول تضيع الوقت فى اليوم بكتر القعدة ع الكمبيوتر طبعا ده لأنها تعبت من كتر التفكير فى مشكلتها مع أحمد
--(ااااااااااااااااااه يا أحمد الوقت بيعدى من غيرك فى منتهى الملل طبعا دلوقتى زمانه قاعد بيرغى مع حد من اخواته ولا نايم ولا فى الصيدلية وانا ولا سائل فيا خااااااالص من امبارح مكلمنيش يعنى انا بعمل معاه كده يعنى......ماشى يا احمد ....وهنا نزلت من عينيها الدموع المحبوسة من ليلة امبارحوقررت انا هى اللى هتبادر وتتصل باحمد وتعرفه ان هى زعلانه وزعلانة جدااااااااا منه كمان بس قالت : بلاش دلوقتى احنا لسة الساعة 8 الصبح خليه لآخر النهار لما اشوف الموضوع هيرسى على ايه والأحسن دلوقتى انى انا انام علشان اليوم يضيع منه شويه وأوقف مخى شوية عن التفكير...
--( يا ترى يا نهى ايه اللى غيرك؟؟؟؟؟؟؟؟داخلة فى يومين مش بتسألى عنى خااااالص ولا حتى بتكلفى خاطرك ترفعى سماعة التلفون وتقوليلى عامل ايه وانتى عارفة انى مطحووون فى الشغل والشقة ولا حتى بتفكرى تساعدينى وانا بقى مش هكلمها لازم اعرفها انى انا الراجل مش كل حاجة تزعل كده وانا اللى اصالحها
مممممممم أيوة برضه يا احمد بس ديه نهى حبيبتك مقدرش اشوفها زعلانة انا احسن حاجة اتصل بيها واشوف مالها زعلانة منى ليه واهى لما تشتكيلى انا من نفسى احسن ما تشتكى لوالدتها او لواحدة صحبتها لأن مفيش حد يقدر يتفهم مشاكلنا غيرنا احنا الاتنين......
قام احمد وجاب التلفون علشان يتصل بنهى .
أحمد: ازيك يا حبيبتى عاملة ايه؟؟؟
نهى باستهزاء:مييييييييييييييين دكتور أحمد؟
أحمد: ايوة يا نهى احمد ايه مفكرانى موت ولا ايه.
نهى بلهفة: الف بعد الشر عليك يا احمد. انت عامل ايه.
أحمد: الحمد لله انما انتى فين بقالك يومين كده متسأليش عنى.
نهى: ولما انا مش بسأل انت ليه مش بتسأل.
أحمد: معلش يا نهى غصب عنى والله انا يا بنتى مطحون فى الشقة والشغل هعمل ايه ياعنى.
نهى: أحســــــــــــــــــــــــــــن.
أحمد: نعم؟؟؟؟؟؟؟؟أحسن انى مطحووووون.
نهى: لا لا مش قصدى أقصد يعنى ..ربنا يعينك.
أحمد: نهى مالك انا حاسس انك متغيرة فيه ايه؟
نهى: مفيش.ولا حاجة.
أحمد: طب علشان خاطرى قوليلى مالك.
نهى: قولتلك ولا حاجة يا احمد انا بس مشغولة شوية و تعبانه.
أحمد: نهى انا عاوزك تعرفى حاجة مهمة جدااااااااا.
نهى: اتفضل. انا سمعاك.
أحمد: عاوزك تعرفى يا نهى ان انتى اغلى انسانة عندى فى الكون كله وانى انا بحبك جدااااا والله وهيجى اليوم اللى هتقدرى فيه الحب ده وتعرفى اد ايه انتى غالية عندى.
نهى ببروووووووود: معلش بقى اصلى انا مبعرفش اقدر.
أحمد: ماشى يا نهى براحتك بس انا والله العظيم عمرى ما هقدر أزعلك منى ابدا ولا ابعد عنك ولا لحظة واحدة ولا اى حاجة فى الدنيا تقدر تشغلنى عنك ولا تاخدنى منك وانا اذا كان الشغل مخلينى فى دوامة فده علشان اوفر لك حياة كريمة متحتاجيش فيها لاى حد ويكون عندك فيها كل حاجة من قبل حتى ما تطلبي علشان كده انا عاوزك تستحملينى شوية.وإن شاء الله اخليكى اسعد واحدة فى الدنيا كلها
نهى بتعيط من كلام احمد:خلاص يا احمد محصلش حاجة انا آسفة.
أحمد: متعتزريش يا نهى انا كفايه عليا انك انتى تفهمينى وتقفى جنبى لانى فعلا محتاجلك بآرائك وافكارك وروحك وكل حاجة .
نهى: خلاص يا حبيى وانا معاك ومش هسيبك ابداااااااا يا عبيط انا لو بطلت افكر فيك لحظة واحدة اموت. وعلى فكرة مش عاوزاك تفتح الصيدلية بكرة.
أحمد: ليـــــــــــــــــــــــــــــــــــــــه.
نهى: سيبنى بقى اباشر تخصص مش بتاعى شويه بس بشرط.
أحمد: طبعا مجاب.
نهى: مش عاوزة اشوفك فى الصيدلية طول ما انا موجوده فيها لحد كتب الكتاب خلاااااااااااص.
أحمد: موافق يا ستى .
**سمـــــــــــــــاح طبعا كانت عرفت ان احمد ونهى قربوا جدااااااااا ع الجواز وان كتب الكتاب خلاص مش فاضل عليه غير أيام وساعتها من المستحيل أنها تقدر تفرق بينهم وكمان فقدت المل ان احمد ممكن يصدق اى شىء سىء على نهى فقالت انها تروح لأمانى صحبتها علشان تشوف معاها حل للمشكلة ديه.
سماح: هااااااا يا أمانى ممكن نعمل ايه الواد ولا صور الموبيل اثرت فيه ولا مكالمات التلفون اثرت مع نهى ده انا بيتهيألى انه لو كده شاف نهى بعينه وهى مع حد تانى برضه مش هيصدق ويقول يمنك معرفة ولا بيسألها عن اى حاجة....انا مش عارفة اعمل ايع .. ايه رأيك لو..
أمانى بتقاطع سماح: ايه رأيك انتى لو نهى ظبطتته فى موضع خيانة رسمى؟؟؟؟؟؟اظن كده بقى عمر الميه ما هترجع لمجاريها.
سماح: اشمعنى يعنى يا فالحة؟
أمانى: لان خيانة الراجل بتكون بالنسبة للست زى السكينة الحامية اللى بتدبح بيها مرة واحدة وخاصة بقى لو كانت بتحبه
سماح: ايوة يا بت يا أمانى عندك حق احنا بقى نفكر لهم على روقان كده علشان نعرف هنفذ أزاى؟؟؟؟؟؟؟؟
أمانى: نفكر ايه بس وبتاع ايه يا بنتى انتى غبية ما هى اى واحدة ممكن تعمل اللى احنا عاوزينه وانا كمان عندى استعداد أخدمك فى الموضوع ده.
سماح بفرحة كبيرة: بجد ........بجد يا أمانى تقدرى تساعدينى؟
أمانى: طبعا يا بنتى انا اكون عنده وانتى تتصلى بنهى بس المهم قبل كتب الكتاب ....هو فاضل عليه أد ايه؟
سماح: أسبــــــــــــــــــــــــــوع.
أمانى: خلاص يبقى هنفذ قبل الاسبوع............ | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:26 am | |
| سماح وأمانى اتفقوا انهم هينفذوا خطتهم علشان يشككوا نهى فى أحمد بعد ما فشلت سماح فى انها تشكك أحمد فى نهى بموضوع الصور لكن المشكلة اللى قدامهم ان أحمد أصلا مش بيروح الصيدلية وبيشطب فى شقته هو ونهى ...
سماح( وبعدين بقى البت ليل ونهار هى اللى قاعدة فى الصيدلية وهو مش بيجى خااااااااااااااالص ومش عارفة هنفذ أزاى اللى انا عاوزاه وكمان فاضل على كتب الكتاب 3 أيام بس بالنهاردة شكل كده الموضوع بايظ فأحسن حاجة انى انا اقوم اتصل بالبت أمانى واشوف هنعمل ايه؟؟؟؟؟؟؟
سماح: ها يا ست أمانى هانم ايه الحل دلوقتى؟
أمانى: والله يا سماح انا شايفة إن كل اللى بيحصل ده فى صالحنا مش ضدنا.
سماح: والله؟؟؟أزاى بقى يا فصيحة زمانك؟
أمانى: معنى ان هو مش بيجى دلوقتى يبقى احنا هنفذ بعد كتب الكتاب ..صح؟؟
سماح: ماشى وبعدين ؟؟؟؟
أمانى: وبعدين نهى لما هتشوف بعنيها اللى احنا عاوزينه هتطلب الطلاق وساعتها هيكون معاها لقب مطلقة وهى لسة مكملتش 20 سنة ...وكمان لو حد فكر يتجوزها بعد كده هيتقال عليها مطلقة حتى لو كان مكتوب كتابها بس مش مخطوبة قبل كده والسلام.
سماح: أيه يا بت يا أمانى التفكير الجامد ده أنا يا اللى اسمى سماح ما خطرش على بالى اللى انتى بتقوليه ده بس فعلا عندك حق.
أمانى: خلاص يبقى التنفيذ بعد كتب الكتاب.
**فى بيت جميل جداااااااا وهادى وشغال فيه قرأن كانت قاعدة هدير أو الدكتورة هدير فى البلكونة بتشرب الشاى وبتفكر فى موضوعها مع محمد وبتفتكر ايام ما كانوا بيحبوا بعض زماااااااااااااااااان من قبل ما هى اللى تعرفه على هدى ويحبها ويتجوزها..
-- يا ترى يا محمد لسة فاكر حب هدى اللى ماتت ونسيت اللى بتحبك وضحت بحياتها كلها علشانك؟طب أعملك ايه علشان ترجع تحبنى من تانى؟؟ ده انا اللى عمرى ما نسيتك ولا نسيت اى كلمة من كلامك ولا أى رأى من آرائك تنسانى بسهولة كده من غير ما يكون لحبى عندك اى تمن؟؟؟ ياترى الأيام لسة مخبيالنا ايه تانى يا محمد؟؟؟؟
وهنا صحيت هدير من غفلتها ديه على صوت مامتها وهى بتقولها: هدير......... يا هدير .... قومى يالا انتى نمتى ولا ايه؟
هدير: ها لا ابدا يا ماما فيه ايه؟
أم هدير: قومى زميلك الدكتور محمد قاعد برة فى الصالون. ومستنيكى.
هدير: ايه اللى انتى بتقوليه ده يا ماما بجد محمد . محمد ..محمد. يعنى.
أم هدير: ايوة محمد محمد يعنى . ومالك متلخبطة كده ليه؟
هدير: لا وانا هتلخبط ليه؟اتفضلى انتى بس روحى اقعدى معاه وانا هلبس لبس حجاب واجى على طول.
**دخلت هدير أوضتها ولبست أشيك واحلى طقم عندها وخرجت علشان تقابل محمد.
هدير: السلام عليكم أزيك يا دكتور؟
محمد: وعليكم السلام. معلش أنا أسف انى جيت كده من غير ميعاد بس رقم التلفون بتاع البيت ضاع منى بس لسة فاكر البيت.
هدير: لا ابداا يا دكتور ازاى ده بيتك وتشرف فى أى وقت ...وبعدين اتفضل انت واقف ليه.
محمد: والله انا كنت عاوز أكلمك فى موضوع بس متردد. ونفسى تفهمينى.
هدير:والله انا طول عمرى بفهمك يا دكتور ولا انت نسيت.
محمد: لا يا هدير ما نسيتش علشان كده انا جيت النهاردة.
**محمد طلع منديل من جيبه وبيمسح العرق المتصبب على جبينه : والله يا هدير انا قلقان انى اكون زعلتك من أخر مزة كنا فيها فى المستشفى . بس...
هدير بتقاطع محمد: لا يا محمد محصلش حاجة انا واخدة منك ع الجرح طول عمرى.
محمد: من فضلك يا هدير لو طلبت منك تكونى جنبى الفترة اللى جايه توافقى؟؟
هدير: أكون جنبك بأنهى صفة يعنى مش فاهمة؟
محمد: بصفتك انك تكونى مراتى. ايه رأيك؟ موافقة تتجوزينى؟
هدير: ياااااااااا يا محمد لسة جاى تسألنى دلوقتى بعد السنين ديه كلها موافقة ولا لأ ....ده انا خربتى بيتى علشانك.
محمد: والله يا هدير انتى غالية عندى من زمان وانتى عارفة كده كويس بس انا عاوز منك انك تصبرى عليا ومتسيبينيش لأنى فعلا بمر بأكتر لحظة حرجة فى حياتى.
هدير: والله يا محمد انا عمرى ما اقدر ابعد عنك ابدا وانا معاك تحت أى ظروف.
**نرجع لنهى واحمد والصيدليه**
نهى كانت قاعدة فى الصيدلية بتحاول طبعا تبقى قد المسئولية قدام أحمد بس اللى كان شاغلها برده ان هى اللى دايما بتسأل عن احمد وتتصل بيه وهو كل ما يكلمها مش بيكون غير للضرورة وبس.
( برده يا أحمد ما اتغيرتش لسة زى ما انت كل ما تكلمنى متسألش غير عن الشغل وبس وانا ولا كأن ليا وجود أصلا يعنى هو عنده الشغل أهم منى لا والجديد اللى طالع فيه الايام دول انى كل ما اتصل بيه يفضل يقولى انا تعبان...انا زهقان.. ما بقاش فيه وراه غير الاسطوانه ديه وبس يعنى ايه الزهق ده انا بدأت احس انى زى ما أكون بشحته من المشغوليات اللى هو فيها .......طب ما انا كمان مشغولة بس مش بعمل زيه كده وهو بيفضل محور حياتى لكن انا مش محور حياته )
وهنا قامت نهى علشات تتصل باحمد.
نهى: ايوة يا احمد انت فين؟
أحمد: ايوة يا حبيبى ازيك؟ عاملة ايه.
نهى: الحمد لله كويسة انت فين.
أحمد: انا قلت اروح البيت شويه علشان اريح لأنى فعلا تعبان جدا وزهقان جدا جدا.
نهى: والله يا احمد انا من يوم ما عرفتك وانت زهقان وتعبان.
احمد: والله هو انا يعنى عمرى ما كنت كويس ابدااا يانهى.
نهى: لا متاخدش فى بالك المهم انا عاوزاك تيجى النهاردة علشان انا عندى مشوار ولازم اروحه.
أحمد: مشوار ايه.
نهى: وانت مالك مشوار ايه؟ اهو مشوار وخلاص.
أحمد: اتعدلى يا نهى فى الكلام يعنى مين اللى ماله؟
نهى:والله هو ده كلامى مش عاجبك.
أحمد: اللهم ما طولك يا روح.... يا بنتى انا عملتلك حاجة زعلتك؟
نهى: انت اصلا مش بتعمل حاجة.
أحمد:طب يا نهى ماشى براحتك . بس انا مش فاهم مالك. يمكن علشان مش بتصل بيكى يعنى.
نهى: لا والله عادى ولا بتفرق معايا.
أحمد: يعنى ايه بقى ولا بتفرق معاكى يا نهى.
نهى: يعنى عادى بالنسبة لى اتصلت زى ما اتصلتش انا مش هتحايل عليك يعنى.
أحمد: يا نهى عيب الكلام اللى انتى بتقوليه ده يعنى انا مفرقش معاكى.؟
نهى: انا مقلتش كده. انت مش فاهم معنى الكلام.
أحمد: طب ايه بقى معنى الكلام.
نهى: ولا حاجة ولا تحط فى دماغك.
أحمد: ماشى يا نهى بس ممكن أتاخر عليكى شويه علشان لسة هروح اشوف العمال عملوا ايه فى الشقة. وكمان عندى ميعاد مع مهندس الديكور ايه رأيك اخليه لبكرة ونقعد معاه انا وانتى ونختار ألوان الستاير والمفروشات.
نهى: والله براحتك.أعمل اللى انت عاوزه.
أحمد: يعنى ايه براحتك هى مش شقتك زى ما هى شقتى.
نهى: براحتك بعنى انت حر تعمل اللى انت عاوزه ديه حياتك وانا ماليش انى اتدخل فيها ده أولا. ثانيا بقى بالنسبة للشقة هى مش شقتى يا احمد.
أحمد: أومال شقة مين يا آنسة نهى.
نهى: ده بيتك انت تفرشه على ذوقك انا ماليش دعوة انا بيتى هو بيت أهلى.
أحمد: ماشى يا نهى براحتك خالص يالا عاوزة حاجة.
نهى بتعيط: لا متشكرة.
أحمد: ماشى وانا مش هتأخر عليكى مع السلامة.
**بعد ما نهى قفلت مع أحمد طبعا مبطلتش عياط من الكلام اللى حصل بينهم وحاسة انه فيه لا مبالاة من ناحيته بس كل ما تحاول تتناسى اللى حصل بينهم ده فى الشغل مش بتقدر لأن بطبيعة تكوين المرأة العواطف عندها بتغلب على مشاعرها..
وبعد ساعتين أحمد كان وصل للصيدلية علشان يستلم من نهى وأول ما شايفاه داخل كانت بتقول فى نفسها[ندعوك للتسجيل في المنتدى أو التعريف بنفسك لمعاينة هذه الصورة]ااااااااااااااااااه يا فارسنى والله يا احمد انا هطق منك جاى لابس ومتشيك ولا كأن فيه حاجة حصلت لا وعلى وشك ابتسامة ولا كأنك رايح تتجوز)
كل ده كان بيدور جوا نهى واحمد بيكلمها وهى ولا سمعاه.
أحمد: نهى.روحتى لفين يا حبيبتى.
نهى: هاااااااا لا لا معاك.
أحمد: على طول.
نهى: نعم بتقول ايه؟
أحمد: بقولك معايا على طول.
نهى بجديه: لا على طول ولا ع العرض وعن آذنك علشان امشى.
أحمد: ايه يا نهى فيه ايه كل ده علشان مش بتصل بيكى ما انتى عارفة انا مشغول اد ايه. بس انا عارف انك زعلانة.
نهى بتقاطع أحمد: والله يا احمد انا مش زعلانة لأنى عارفة وواثقة انى انا على هامش حياتك لكن كان ممكن أزعل فى حالة واحدة وهى انى أكون فى مركز حياتك علشان كده انا مش زعلانة.
أحمد بيبص لنهى فى اندهاش: ايه ايه يا بنتى الكام الكبير ده وبعدين انتى بتتفلسفى من غير اى لزمة وكل اللى فى دماغك ده اوهام وبكرة الأيام تثبتلك إنك غلطانه.
نهى: يا ريت يا أحمد. يااااااااااااريت.أكون غلط.
أحمد: طب قوليلى بقى انتى كنتى رايحة فين؟
نهى: كنت نازلة اشترى ورد للشقة علشان اللى جيبته مش كفايه.
أحمد: قصدك بيتنا .مش كده.
نهى: لا يا احمد بيتك انت.
أحمد: ده رأيك يعنى؟؟؟
نهى: اه طبعــــــــــــــــــا
أحمد: ماشى يا نهى وانا هتصل بالمآذون علشان أأكد عليه الميعاد بتاع بعد بكرةولا انتى نسيتيه.
نهى: وهو برده ميعاد حبيبى يتنسى.
أحمد: انا بس عاوزك تعرفى ان خطوة المآذون ديه خطوة شكليه . تحصيل حاصل يعنى فاهمة.
نهى: لأ.
أحمد: مش انا قولتلك من اول يوم ارتبطنا فيه ببعض انك مراتى.
نهى: اااااه حصل.
أحمد: طيب فانا بقى خطوة المآذون ديه لا تعنينى فى اى شىء غير قدام الناس يعنى لازم تعرفى ان انتى مراتى من قبل كتب الكتاب. يعنى مش هينفع فى يوم لا طلاق ولا خلع لان ربنا سبحانه وتعالى هو اللى جمعنا وهو بس اللى يفرقنا لا كلام حد ولا ورقة ولا أى تصرف من عبى ممكن يفرق بينا.
نهى: انا مش فاهمة يا احمد انت بتقول الكلام ده ليه؟
أحمد: ولا انا بس حسيت انها حاجة جوايا ولازم تتقال. يالا انتى علشان تجيبى الورد ومتتأخريش وترجعى قبل الليل.
نهى: حاضر يا حبيبى سلام.
أحمد: ربنا يحفظك يا حبيبه قلبى.
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:26 am | |
| *يوم كتب الكتاب*
-- معقول النهاردة انا واحمد ينكتب كتابنا وأحقق كل أحلامى بالسرعة ديه يااااااااااااااربى ده انا مش مصدقة انى خلاص كده ..يعنى كلها كام ساعة وابقى مراته رسمى. يا رب تمم فرحتنا ديه على خير وابعد عننا الشيطان واتباعه . يا رب. وتفكير البت سماح علشان البت ديه انا مش مطمنلها اطلاقا وحاسة كده انها بتدبرمصيبة ربنا يستر.
لسة يا عينى نهى مكملتش الكلمتين اللى جواها وسمعت سماح بتخبط على باب الأوضة.فجريت ع السرير اتغطت وعملت نفسها نايمة وعيانه.
سماح: ايه يا ست نهى انتى مش عاوزة حد يدخلك ولا ايه؟ ولا علشان بقى العروسة محدش قدك النهاردة.
نهى بتمثل انها عيانه وبتكح: تعالى يا سماح ...عروسة ايه يا بنتى ده انا عيانه وهموت خلاص من الصداع ولا اى دوا جايب نتيجة معايا.
سماح بفرح: أحسن ..مممم قصدى يعنى .أحسن حاجة انك تنامى وتدفى علشان كتب الكتاب بليل .هو برضه مش بعد صلاة العشا.
نهى:ااااااااه هنروح إن شاء الله نكتب فى دار الأفتاء و بعد كده هنروح نسهر كلنا برة أحتفالا يعنى بالمناسبة.
سماح: وهى الصيدلية بقى مين اللى هيفتحها بعد كده.
نهى: ليه السؤال الغريب ده يا سماح.
سماح: لا ابدا انا بس علشان انتى دراستيك هتبدء بعد اسبوعين مش كده.
نهى: اه فعلا بس ايه دخل الدراسة بالصيدلية والشغل.
سماح: لا ابدا انا بس قصدى انك لما هتبقى فى الكلية مش هتعرفى تشتغلى ولا ايه.
نهى: والله يا سماح عندك حق بس خلاص بقى هيكون جزء كبير من الشقة خلص واحمد هو اللى هيتواجد فى الصيدلية باستمرار.
سماح بتقول جواها( الحمد لله ريحتى قلبى يا شيخة )
نهى: ايه يا سماح مالك سرحانه فى ايه؟
سماح: لا ابدا ولا حاجة انا هنزل بقى واسيبك ترتاحى.
نهى: ليه خليكى شويه.
سماح: لا لا مش هينفع والله لانى لازم اكلم امانى صحبتى ..نتقابل بليل سلاااااااااااام.
محمد راح مع احمد اخوه علشان يتكلموا مع باباهم فى موضوع ارتباط محمد بهدير ورحب ابوهم جداااااااااا لانه أخيرا هيشوف ابنه بيرجع لحياته الطبيعية بعد وفاة زوجته الاولى ..لكن محمد كان زعلان وجواهشىء من الحزن لأنه ما كنش وفى بوعده لهدى مراته وهيتجوز من بعدها. علشان كده بعد ما اتكلم مع والده راح على بيته وفضل واقف قدام صورة الفرح بتاعته هو وهدى .
--هدى ..انا أسف يا حبيبتى سامحينى صحيح انا عارف ان ما فيش حاجة تقدر تشفعلى عندك بس...بس انا مش عارف بجد اعمل ايه انتى عارفة كويس ان مفيش حد فى الدنيا ديه كلها يقدر يملى مكانك بس انا لازم اعيش حياتى بشكل طبيعى ...على الرغم من قسوة الحياة ديه من غيرك ........يا ريتك فضلتى جنبى وممتيش بس ربنا ما بيتقلهوش ليه ...استغفر الله العلى العظيم .. ربنا يرحمك يا حبيبتى وألحق بيكى فى الفردوس الأعلى يا رب .
وانتبه محمد من حديثه مع صورة هدى مراته لجرس التلفون وكانت هدير هى اللى ع التلفون.
هدير: ايه يا محمد انت اتأخرت كده ليه؟ احنا مش من المفروض هننزل نشترى الشبكة النهاردة قبل كتب كتاب أحمد بليل.
محمد: اااه يا هدى معلش نسيت.
هدير بنرفزة: تانى هدى يا محمد حراااااااااااااام عليك اعصابى تعبت.
محمد: معلش يا هدير أنا أسف بس كنت ....كنت.
هدير: بلاش تخترعلك عذر يا محمد.
محمد: معلش يا هدير بجد أسف ما اخدتش بالى بس اسم هدى دايما فى لسانى مش عارف ازاى طب انتى عارفة انى لما بنده أىواحدة من أخواتى بتلخبط وبقوها يا هدى . وبعدين الهدى هو هدى الله. ربنا يهدينا كلنا.
هدير بتتنهد: آآآميييييييييييييين يا رب ويهديك انت كمان عليا يا محمد. المهم متتأخرش.
محمد: لا خلاص فى خلال نص ساعة هكون عندك بإذن الله. مع السلامة.
وبعد ما خلاص اشترى محمد وهدير الشبكة صمم انها تلبسها عند الجواهرجى يعنى من غير ما يعملوا حفلة خطوبه.
هدير: انت ليه يا محمد مش عاوز تعم حفلة خطوبة علشان نفرح.
محمد: وحفلة يه ...احنا مش صغيرين ولا اول مرة حد فينا يتجوز علشان نعمل حفله.
هدير: ايوة يا حبيبى بس انا حاسة انى كأنى اول مرة بتخطب واتجوز.مممممممم بس انت مقولتليش بقى. هو فرحنا هيكون امتى.
محمد : فرح....فرح ايه بس يا هدير اللى بتتكلمى فيه؟
هدير: فرحى انا وانت لما نتجوز يعنى ايه رأيك لو نحدده بعد شهرين من دلوقتى.
محمد: وشهرين ليه لا طبعا مينفعش قبل 4 أو 6 شهور ع الاقل.
هدير باستنكار: ليه بس هو احنا ايه اللى هيعطلنا يا محمد ده انا مصدقت ان الحمد لله ربنا لم شملنا.
محمد: اللى هيعطلنا اننا لسة هندور على شقة ونفرشها.
هدير: طيب ما انت عندك شقتك ايه لزمتها بقى.
محمد بيرد عليها فى منتهى الأنفعال: لا يا هدير مش هينفع نتجوز فى الشقة ديه.
هدير: يه بقى إن شاء الله؟
محمد: علشان البيت ده بيت هدى ومفيش حد هيدخله من بعد هدى مهما كان.
هدير: انت ايه الى بتقوله ده يا محمد.
محمد: بقول اللى سمعتيه البيت ده مش بيتى لوحدى ده بيتى انا وهدى ومفيش واحدة ست هتدخله بعدها موافقة على كده ولا لأ.
هدير: ماشى يا دكتور محمد اللى تشوفه؟
محمد: خلاص يبقى اتفقنا ودلوقتى بقى لازم نروح على كتب الكتاب علشان فاضل على عليه ساعة تقريبيا.
أحمد كان مع عاطف اخوه فى طريقهم لبيت نهى علشان يروحوا كلهم يكتبوا الكتاب وبعدين يروحوا يسهروا.
**أنا مش مصدق نفسى ان خلاص نهى هتكون مراتى رسمى بعد ساعة من دلوقتى..بس امتى بقى الأيام تعدى وأكون انا وهى فى بيت واحد ساعتها بقى مش هخى واحده فى الكون كله اسعد منها ربنا بس يقدرنى واسعدها لأنها فعلا تستحق كفاية صبرها عليا فى اهمالى فيها بس غصب عنى والله**
عاطف: يالا يا أحمد انت نمت ولا ايه...أحنا خلاص وصلنا.
أحمد: اه صح وصلنا طب يالا بقى علشان نستعجل العروسة.
عاطف: العروسة. ياعينى عليكى يا نهى؟؟ والله صعبانه عليا البت ديه هتتجوز واحد بينام على نفسه.
أحمد: ما هو من التعب بنام على نفسى يالا يا خفيف.
وراح العيلتين علشان يكتبوا كتاب أحمد ونهى . وهما الاتنين كانوا هيطيروا من الفرحة بسعادتهم ببعض بس المشكلة ان نهى كانت مصممة تمضى بأيديها الشمال علشان تدبس أحمد وتقول انه مش جوزها بس هى كانت بتهزر طبعا لأنها قالت لأحمد بعد كده: والله يا احمد ربنا اللى يعلم انى انا كنت بستنى اللحظة ديه من زمااااااااااااااان جدا ويمكن من أول مرة شوفتك فيها.
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:27 am | |
| (ما كنتش أعرف إن فترة كتب الكتاب حلوة أوى كده.......... دلوقتى فعلا انا حاسة انى انا وأحمد كيان واحد مش خايفة من حد ولا قلقانه على حاجة طول ما هو جنبى. وكمان دلوقتى بقدر أنزل معاه فى الشارع علشان نختار الفرش بتاع البيت من غير ما اكون قلقانة انى بعمل حاجة حرام صحيح لازم يكون معايا حد من اخواتى أو حد من أخواته بس برضه بكون مبسوطة ربنا يخليه ليا. وأقدر اخليه اسعد واحد فى الدنيا دى كلها واشوفه كمان أنجح واحد فى مجاله يا رب)
--أم نهى: نهى يالا يا بنتى علشان ننزل هنتأخر.أنتى مبطبطليش سرحان أبدا ولا ايه؟
نهى: لا ابدا يا ماما بس كنت بفكر.
أم نهى: والله المفروض ما تفكريش فى حاجة ابدا غير فى فرحك اللى بعد أسبوع من النهاردة ولا ايه.
نهى: اه يا ماما عندك حق الحمد لله أمتحانات الترم اللى فات كانت أخر ترم همتحنه هنا فى البيت ربنا يستر بقى فى الترم الجاى.
أم نهى: أنا لولا انى واثقة إن أحمد هيكون قد وعده لينا بأنك تكملى تعليمك وتنجحى بتقدير زى كل سنة انا عمرى ما كنت وافقت على جوازك دلوقتى أبداااااااااااا.
نهى راحت تحضن أمها: ربنا يخليكم ليا يا ماما ..مممممممم بس قوليلى بقى يا ترى المفجأة اللى احنا عاملينها لأحمد ديه هتعجبه.
أم نهى: هو مش لما جابلك فستان الفرح كانت فرحة كبيرة بالنسبة لك.
نهى: اه طبعا انا كنت هطير من الفرحة.
أم نهى: طيب خلاص وانتى كمان لما تجيبيله البدلة هتكون مفجأة بالنسبة له وهيفرح بيها. ربنا بس يستر ع المقاسات.
نهى: لا متقلقيش انا عملت حسابى وقلت لعاطف يشوفلى المقاسات من غير ما أحمد يحس وحلفته كمان ميقولش لحد خالص وكمان هو مش عارف انا عاوزة المقاسات ليه.
أم نهى: طب كويس فكرة كويسة يالا بقى علشان منتأخرش ونرجع بدرى.
**أحمد كان فى الصيدلية**
--ااااااااااااااااه يا انا يا عينى عليك يا واد يا احمد عجزت قبل أوانك ...ليه كده بس يا نهى تسيبينى اوضب الشقة لوحدى ..والله لن أنسى لكى هذا الموقف.(على رأى ونيس)
بس فعلا توضيب البيت وتجهيزه صعب جدااااا جداااااااا وانا بكده لازم أعذر نهى أزاى يعنى هتقدر توفق بين دراستها وبين البيت وطلباته ممممممممم بس انا مقدرش أتنازل عن كرامتى واعمل حاجة فى البيت هعملها ايه يعنى هشطب لها المطبخ ولا اسلقلها اللحمة .هااااااا ربنا يسهلها بقى. بس انا ممكن أساعدها من غير ما اساعدها بس أزاى؟؟؟
^^^
^^
^
؟يعنى مثلا ممكن أحافظ ع المكان اللى انا قاعد فيه وبلاش أرمى هدومى زى ما بعمل هنا واخواتى البنات بيفضلوا يجروا فى الأوض يلموها علشان الغسيل.......... وممكن كمان وهى نهى مش موجودة وانا شربت فى كوباية أو أكلت فى طبق أغسله ومارميهوش فى الحوض كالمعتاد يعنى وبكده أكون بخفف عنها ومن غير ما اتنازل عن كرامتى برضه.
وفى الللحظة
يه جيه محمد أخو أحمد على غير المعتاد وأحمد استغرب جدا من زيارته المفجأة ديه علشان مش متعود منه على انه يزوره فى الصيدليه.
محمد:أنا قلت أجى أتكلم معاك شوية يا ترى عندك وقت.
أحمد: طبعا ايه الكلام اللى انت بتقوله ده ...تشرب ايه بقى؟
محمد:لا ولا حاجة متتعبش نفسك.
أحمد: لا ما انا مش هتعب فى حاجة نهى بسم الله ما شاء الله محسسانى انى قاعد فى البيت التلاجة اللى المفروض يكون فيها حقن وأدوية مالياها ميه ساقعة وفاكهة مش عارف أزاى.
محمد: ربنا يهنيكم ببعض ويجعل حبكم دايما فى نماء.
أحمد: اه بمناسبة الحب بقى أيه اخبارك مع هدير.
محمد: والله يا احمد مش عارف أقولك ايه؟ بس انا فعلا مش قادر احبها مش مستوعب أصلا فكرة انى فيه واحدة ممكن تحل محل هدى.
أحمد: أكلمك بصراحة بقى يا محمد ومن غير ما تزعل.
محمد: طبعا أنا جيتلك علشان كده.
أحمد: والله يا محمد أنا شايف انك مزودها حبتين تلاته....هدى الله يرحمها روحها عند ربها وانت صبرت بدل السنة أتنين وتلاتة وداخل فى خمس سنين دلوقتى وخلاص المفروض بقى انك تعيش حياتك بشكل طبيعى.
محمد: يعنى هى لو هدى فى مكانى وانا اللى كنت موت كانت هيكون موقفها كده برضه يا احمد انا بحبها ومقدرش أنساها.
أحمد: ومين قالك انى بطلب منك تنساها لا طبعا.أنا مقلتش كده حبك لهدى شىء عظيم جدا بس فى نفس الوقت مينفعش اللى انت عامله فى نفسك ده غير انك مش لازم تنسى إنك بتظلم هدير لتانى مرة وده حرام عليك وربنا هيحاسبك على ظلمك ليها ده غير يا محمد اانا مش من السهل اننا نلاقى حد يحبنا كده كل يوم ديه سابت جوزها علشانك وخربت بيتها غير انها كانت رافضة تخلف من زوجها الأولانى على أمل أنكم تتجوزوا. وبعدين انا هسألك سؤال:
إنت ترضى لحد من أخواتنا تنظلم بنفس درجة الظلم اللى انت بتظلمها لهدير؟
محمد: لا طبعا.
أحمد: طب يبقى خلاص إنت لازم تمحى الظلم عن انسانة بتحبك مش تقولها البيت بيت هدى ومفيش ست تانية هتدخله. الكلام ده ما ينفعش يا محمد ولا إيـــــــــــــــــــــــه.
محمد: عندك حق يا أحمد أنا مينفعش أفضل ظالم هدير طول عمرها هى فعلا أستحملتنى كتيير وضحت عشانى أكتر.
وهنا حصل ما الا يحمد عقباه ودخلت الآنسة سماح وشافت محمد.
سماح: أنا شوفت حضرتك قبل كده.
أحمد: اه فعلا ده الدكتور محمد أخويا.
سماح: انا عارفة انه أخوك بس مكنتش أعرف إنه دكتور هو كلكم عاملين تعاقد مع كليات الطب والصيدلة يا دكتور أحمد ولا أيه؟
أحمد: لا ابدا بس محمد دكتور أطفال مالهوش علاقة بالصيدلة ولا الأدوية.
سماح: ااااااه بس انا ملاحظة انه قاعد ساكت كده ومش بيتكلم خالص.
محمد: لا ابدا يا آنسة انا كمان فاكر انى شوفتك فى فرح أحمد ونهى مش انتى بنت عمها.
سماح: اه أنا بنت عمها.
أحمد بيقاطع سماح: على فكرة يا سماح انا كنت عاوز اعزمك على فرح الدكتور محمد .بس كنت مستنى لما نرتب للفرح.
سماح: اييييييييييه فرح الدكتور محمد انا اللى أعرفه انه مراته متوفيه من فترة طويلة.
أحمد: ايوة بس هو الحمد لله خطب دكتورة زميلته وهيتجوزوا إن شاء الله فى خلال شهرين تلاته.
سماح: والله ألف مبروك يا دكتور ..........طب عن آذنك بقى يا دكتور أحمد علشان مش فاضية.
أحمد: ايوة بس انتى مقلتيش انتى جيتى ليه؟
سماح: لا ابدا بس كنت بسلم.
أحمد: ماشى الله يسلمك... ولو شوفتى نهى وانتى طالعة قوليلها تتصل بيا علشان عاوزها.
سماح بغيظ: ماشى يا دكتور أحمد بس خد نايبك منى صبر.
أحمد: شرفتى يا سماح.
محمد: أنت بتعاملها كده ليه يا أحمد أنت ناسى انها بنت عم مراتك.
أحمد: ماهى علشان بنت عم مراتى انا خايف منها بس ربنا يستر.
--سماح طلعت ع البيت وهى هتفرقع من الغيظ من الكلام اللى قالهولها أحمد(قال يقولى لو شوفتى نهى خليها تكلمنى قال........والله أنا لو شوفتها أموتها اخنقها مش أقولها معرفش ايه حاجة تفرس ...لا واأدهى كمان إن أخوه المكتئب الحزين على مراته طلع كمان خاطب ومن قريب وانا الى قلت أدخله من باب الحنية والعطف علشان أعوضه مراته الى ماتت تطلعلى واحدة تانية فى البخت ياعينى على بختك يا بت يا سماح....
وهنا دخلت أم سماح عليها لأن صوتها كان عالى : إيه يا موحة انتى أتجننتى ولا ايه .. بتكلمى نفسك ليه يا بنتى؟
سماح: ولا حاجة يا ماما هموت بس من الغيظ اللى انا فيه.
أم سماح: ليه كده بس يا بنتى ايه اللى حصل؟
سماح: يعنى مش عارفة ايه اللى حصل كل بنت دلوقتى بتتجوز وتتخطب وانا لا تعليم ولا جواز ولا أى حاجة.
أم سماح: والله انتى اللى عملتى كده فى نفسك علشان عماد كان فى ايديك وانتى اللى ضيعتيه معرفتيش تحافظى عليه.
سماح: ما انا قلتلك يا ماما إن أمه شحنته من ناحيتى علشان تجوزه بنت خالته واتبلوا عليا وقالوا انه هو شافنى قاعدة فى كازينو مع واحد وانتى عارفة يا ماما انى انا أخلاقى متسمحليش ابدا انى أعمل حاجة زى كده.
أم سماح: معلش يا سماح إن شاء الله ربنا يبختلك ومتعرفيش الأيام مخبيالك ايه وبالنسبة لعماد ووالدته متقوليش حاجة غير حسبى الله ونعم الوكيل . ده لو هو ظلمك.
سماح بغيظ شديـــــــــــــــــــــــــــــــــــــــــــد:
حسبــــــــــــــــــــــــــــــــــــــــــى الله ونعم الوكيل................
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:29 am | |
| **أستيقظت نهى من نومها المتقطع وكأنها لم يتسلل النوم الى عينيها ساعة واحدة: اااااااااااااااااااااه ع التعب انا مش عارفة انام خالص إيه القلق ده بس يا ربى انا ايه اللى مخوفنى بس؟؟؟صحيح انا زعلانة انى هخرج من أوضتى اللى اتربيت فيها ومن وسط اخواتى بس برضه فرحانه انى داخله على حياة جديدة لكن المجهول دايما بيقلق الإنسان علشان كده الناس بتخاف من الضلمة لانها بالنسبة ليهم حاجة مجهولة ...تمام زى ما انا خايفة من الحياة الجديدة.. اللى انا داخلة عليها بس إن شاء الله أحمد يكون نعم الزوج زى ما انا بتمنى اكون بالنسبة له نعم الزوجة ...
وقامت نهى علشان تكلم أحمد وتصحيه لانها سمعت صوت والدته واخواته فى البيت عندهم
نهى: أحمد ...انت فين؟
أحمد وعلامات النوم على صوته: حراااااااام عليكى يا نهى الساعة 11 وانا عاوز انام.
نهى: مامتك واخواتك هنا انت مجتش ليه؟؟
أحمد: أجى أعمل ايه ...طب اخواتى وهيروحوا معاكى عند الكوافيرة وماما ومامتك هيقعدوا يحضروا العشا بتاعنا بليل انا اجى ليه بقى علشان أنقى الرز ولا اقشر الكوسة.
نهى: والله يا احمد انت مبتحسش انا منمتش لحد دلوقتى من القلق والتفكير.
أحمد: انتى مش من المفروض تروحى للكوافيرة قبل الضهر برضه. منزتيش ليه؟
نهى: علشان مفتاح الشقة مع حضرتك وانا عاوزاه علشان ماما هتبعت حاجات هناك.
أحمد: طيب قومى اخرجى لهم دلوقتى وكمان نص ساعة كده البسى عشان تنزلى وعدى عليا فى الصيدلية خدى المفتاح الأول.
نهى بنرفزة: يالهووووووووى...حرام عليك يا اخى اتقى الله ده يوم فرحك وعاوز كمان تشتغل وتفتح الصيدلية ........أقول عليك ايه بس.
أحمد: ايه ....ايه ..فيه ايه لده كله الموضوع مش كده خالص ...الموضوع انى مستنى طلبية بعد الضهر على طول هستلمها وهقفل بعد كده.
نهى: ماشى وهتعمل ايه بعد كده؟
أحمد: ولا حاجة. هروح البيت علشان انام أعمل ايه يعنى.
نهى: كمان تنام تصدق انك رايق .. هو مش النهاردة فرحك برضه.ولا انا غلطانه.
أحمد: ماهو علشان فرحى لازم انام قد 8 أو 10 ساعات كده علشان اكون فايق وبعدين يا هانم لو انتى عندك نقطة من الاحمر كنتى حسيتى بالتعب اللى فيا من توضيب البيت و كان زمانك عاوزة تنامى سنه ...ويالا اقفلى بقى علشان اناملى نص ساعة ديه قبل ما انزل ...
نهى: ماشى يا احمد نام يارب تنام عليك حيطة.
أحمد: بتدعى عليا برضه يا نهى؟
نهى: لا يا حبيبى الف مليون بعد الشر عليك من غيظى بس منك وبعدين تنام عليك حيطة بلاستيك مش اسمنت.... يالا باى بقى علشان مطعطلنيش.ســــــــــلام.
ونزلت نهى وهى فرحانه علشان تروح للكوافيرة ...وقابلت سماح وهى ع السلم.
سماح: العروسة نزلة متأخرة ليه؟؟؟
نهى: لا ابدا أنا لسة قدامى ساعة على ميعاد الكوافير بس رايحة لاحمد الصيدية علشان اخد منه مفتاح الشقة.
سماح: هو أحمد فى الصيدلية النهاردة وفرحكم بليل ؟.
نهى: ااااااه هو بس وراه حاجات هيخلصها وهيمشى على طول.
سماح: طب خلاص تعالى معايا اوريكى الفستان اللى هلبسه بليل.
نهى: لا مش هقدر يا سماح انا كده هتأخر بليل اشوفه وانتى لابساه.
سماح: عشان خاطرى ده جوا فى اوضتى ومش هنكمل دقيقة علشان لو مش حلو الحق اغيره لسة فيه وقت.
نهى: خلاص ماشى بس يالا بسرعة.
**دخلت نهى مع سماح شقتهم علشان تشوف فستان سماح...لكن الانسة سابتها فى الصالون ودخلت اوضتها تكلم أمانى.
سماح: ايوة يا بت يا أمانى ...ألبسى بسرعة البرق .وانزلى حاااااااالا.
أمانى: هو الواد فى الصيدية ولا ايه؟
سماح: ايوة يا غبية يالا بسرعة انا مصدقت معطلة نهى لحد انتى ما توصلى.. يالا بسرعة أخلصى.
أمانى: خلاص ...خلاص... فى خلال 10 دقايق هكون هناك .
**نهى قاعدة فى الصالون وقلقت من تأخير سماح**
نهى: يالا يا سماح انا كده هتأخر كل ده بتقيسى الفستان.
سماح: اه خلاص اهوه أنا جايه.إيه رأيك فى الفستان بقى؟؟؟؟حلو مش كده؟
نهى: اه جميل أوى باى بقى علشان متأخرش نتقابل بليل.
**نزلت أمانى عند أحمد الصيدليه وطلبت منه يديها حقنه لأنها بتعانى من مغص شديـــــــــد جدا فى معدتها....
لكن أحمد لاحظ عليها الدلع والميوعة فى الكلام وكمان كانت بتحاول تقرب منه بشكل غير طبيعى..
أحمد: ايه يا آنسة فيه أيه؟
أمانى: ولا حاجة يا دكتور أنا بس تعبانه شوية وحاسة انى هقع من طولى...ممكن تسندنى؟؟
أحمد : طيب أتفضلى اقعدى وان شاء الله تكونى كويسة.
*أمانى قعدت وبتمثل طبعا انها تعبانة وحطت الموبيل بتاعها ع المكتب.
أحمد بعد ما جهز الحقنه:أتفضلى يا أنسة علشان تاخدى الحقنة.
*دخلت أمانى ع المعمل والمفروض ان أحمد كان هيدخل وراها لكن موبيلها رن وهى سايباه برة ع المكتب وأحمد كان لسة مش دخل وراها ولما لقى الموبيل بيرن بنظرة فضول بص فى الرقم وشاف الرقم اللى مكتوب ع الشاشة باسم سماح...
(سماح....يا ترى سماح مين ....يا خوفى لتكون هى....وتبقى هى اللى ورا البت المايصة ديه.......أستر يا رب)
أمانى: أيه يا احمد أنت كل ده بتجهز الحقنه؟
أحمد:أمشى أطلعى برة ومش عاوز أشوف وشك تانى هنا.
لسة أمانى هترد عليه لكن دخلت نهى وشافت أمانى واقفة ناحية المعمل وبتتكلم مع احمد والوضع غير طبيعى.
نهى: السلام عليكم .
أحمد: نهى خدى موبيل الآنسة وشوفى الرقم اللى متسجل عليه باسم سماح هو رقم سماح بنت عمك ولا لأ؟
أمانى: ايه اللى انت بتعمله ده يا دكتور لو سمحت هات الموبيل بتاعى.
أحمد: لا ياآنسة معلش متأسف مش من قبل ما الشك اللى جوايا يكون يقين.
نهى:أنا مش فاهمة حاجة يا أحمد ايه اللى انتى بتعمله ده وبعدين ديه أمانى صحبت سماح بنت عمى وأنا مسمحلكش تعمل معاها كده.
أحمد: الرقم اللى موجود رقم سماح بنت عمك ولا لأ؟
نهى: ايوة هو بس أنا مش فاهمة حاجة ايه اللى حصل.
أحمد بيلتفت لأمانى: أنتى بقى اللى بعتاكى سماح مش كده؟
أمانى: أنا فعلا صاحبة سماح لكن مش فاهمة انت بتتكلم عن ايه؟
أحمد: لا انتى فاهمة ...واللى متأكد منه انك مرتبة زيارتك المشرفة ديه مع سماح وكمان عاملين حسابكم ان نهى جايه ..وعلشان كده طلبتى منى أديكى حقنه علشان نهى تيجى وتشوفنى معاكى وينتهى مشروع الجواز ...مش ديه الحقيقة يا آنسة أمانى.
أمانى: لا مش هى ديه الحقية يا فندم وأنت بتتهمنى اتهامات مالهاش اى لزمة.
أحمد بيقاطع أمانى: مين اللى ورا موضوع الصور يا أمانى ...ومن فضلك بلاش كذب لأنى على استعداد أتصل بسماح وهعرف الحقيقة يعنى هعرفها.
أمانى شافت أن أحمد بذكائه كشفها وإنه لا مفر من أنها تقول الحقيقة قدامهم. وهى بتحكى على طول أحمد افتكر كلمة سماح لما قالتله:ماشى يا دكتور أحمد....خد نايبك منى صبر..
وبعد ما خلصت أمانى كل الكلام اللى عندها وبرئت نهى من موضوع الصور استئذنت ومشيت.
لكن نهى انهارت فى العياط: أنا مش مصدقى يا أحمد ان بنت عمى تعمل معايا كل ده....ديه عاوزة تدمرنى وتخرب حياتى مع انى عمرى ما عملت فيها حاجة وحشة.
أحمد: نهى ....علشان خاطرى مش عاوز عياط فى يوم زى ده...بلاش تفسدى فرحتنا.
نهى: فرحتنا..وهى فين فرحتنا ديه بقى؟
أحمد: لا يا حبيبتى موجودة فرحتى بيكى وفرحتك بيا. ومش عاوز أى حد يعرف حاجة عن الموضوع ده ومش عاوزك تفكرى فيه تانى وسماح ديه مش عاوزك تكلميها ولا حتى بصباح الخير...أتفقنا.
نهى: حاضر يا حبيبى اتفقنا.
أحمد: طيب يالا بقى يا حبيبتى انا هوصلك للكوافير بنفسى.
نهى: ربنا يخليك ليا يا حبيبى ...ويبعد عنا الشيطان وأعوانه بس انت مش مستنى طلبية دلوقتى؟
أحمد: لا ما هو لسة ساعة ع الميعاد ألحق أوصلك وارجع تانى. يالا بينا بقى علشان عاوزك تبقى زى القمر بليل.
**يوم الفرح بليل أحمد خلاص استعد على منيعاده مع نهى والكوافيرة علشان يروح يجيب نهى وكان الميعاد الساعة 8 وفضل يا عينى واقف قدام باب الكوافير هو وباقى العربيات وكده لحد الساعة 10.30 لما كان الواد هيشيط من الغيظ ..
محمد: ايه يا أحمد نهى لسة مخلصتش؟
أحمد: لا يا سيدى لسة وكل ما تصل بيها ترد عليها بمنتهى البرود وتقولى[ندعوك للتسجيل في المنتدى أو التعريف بنفسك لمعاينة هذه الصورة] أستنى شوية يعنى هو الفرح هيطير. ) لما انا نفسى اخنقها لو شفتها.
محمد: أهدى بس شوية ...هدير اتصلت وقالت خلاص هما قدامهم دقيقتين ويخرجوا.
أحمد: يا مسهل.... بس فعلا حاجة مئرفة لما اشوفها بس بلا جواز بلا غم ...أنا كان مالى ومال المشوار ده بس ياربى.
محمد بينادى على أحمد: يالا يا احمد نهى خرجت مع البنات.
أحمد: أخيييييييييييييييييييييييراااااااااااااا...حسبى الله ونعم الوكيل.
أحمد راح عند نهى : ايه القمـــــــــــــــــــر ده؟؟؟؟ده انا معرفتكيش.
نهى: مش انت اللى مستعجلنى وقاعد يالا ...يالا...
أحمد بيبوص لنهى وساكت.
نهى: يالا يا احمد احنا هنفضل واقفين كده الدنيا اتزحمت.
أحمد: بس انا مش شايف اى حد من كل الى واقفين غيرك.
وفى حفلة الفرح نهى دايما كانت عالقة النظر باحمد وكأنهم هنا الاتنين فى مكان تانى غير القاعة المليئة بالأهل والأصحاب . وكان هناك الحوار لدائم الذى يدور بينهما ...حوار لا يدور من خلال لغة اللسان بل انه يدور بلغة العيون لا يفهمها أحد سواهما ..
وهنا جريت على لسان نهى الكلمة التى كانت تتمنى ان تقولها لزوجها والتى كانت ترددها دائما بينها وبين نفسها وتكتبها فى سطور قلبها:
وستظل دوما حبيبى ...**حبيب العمر**
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:30 am | |
| وتوتا توتا خلصت الحتوتا القصه حقيقه يا ناس ماشي يعني صارت ونا تكسرت من كثر ما نزلت  انشالله تكونا اعجبتكم انا اصلا لازم نزلتها برمضان لانو هيه ثلاثين حلقه هههههههههههههه | |
|
| | |
Miss Nanosh
مشرف عام
عدد المساهمات : 1025
كديش عمرك : 29
الموقع : ALna3noosh
نقاط : 61565
السٌّمعَة : 20
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 6:44 am | |
| حلووووووه .. نهايتها بتجنن
يعطيك الف الف عافيه على مجهودكـ
والله يخليهم لبعض
| |
|
| | |
ميوش
المدير العام
عدد المساهمات : 9906
كديش عمرك : 30
الموقع : www.aln3noosh.own0.com
نقاط : 90844
السٌّمعَة : 38
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 8:33 am | |
| | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 12:14 pm | |
| مشكووووووووووورين عل مرور الحلو | |
|
| | |
( M ¤ المـشاكـس ¤ M)
المشرف
عدد المساهمات : 567
كديش عمرك : 30
الموقع : في نص عرض هالمدرسه يعني بالصف الدرج الثالث جنب سنان .
نقاط : 54044
السٌّمعَة : 0
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 1:50 pm | |
| شووووووووووووووووووووووووووووووووووووووووووووو هااااااااااااااااااااااااااااااااااد والله ما قرات شي لانها طويله بس يسلمووو | |
|
| | |
زائر
زائر
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 1:53 pm | |
| |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 1:58 pm | |
| | |
|
| | |
^ـ^ AlPrNsE ^ـ^
المدير العام
عدد المساهمات : 13975
كديش عمرك : 31
الموقع : $$منتديات النعنوش$$
نقاط : 87167
السٌّمعَة : 200
وسام : 
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 7:54 pm | |
| قريت حلقتين بكمل الباقي بعدين
يسلموووو وليد | |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 7/17/2009, 8:39 pm | |
| اوك مان خد راحتك الموضوع بين ايديكم  | |
|
| | |
زائر
زائر
| | موضوع: رد: حبيب العمر*قصة واقعية رومانسية*حدثت بالفعل لكاتبتها 8/25/2009, 12:54 pm | |
| شو هادا كل هااي قصه ولك تعبتني وانا اقراها ميرسي رعب حلوه |
|
| | |
mAoHoM
المشرف
عدد المساهمات : 711
كديش عمرك : 35
الموقع : ana
نقاط : 51875
السٌّمعَة : 2
| | موضوع: رد: حبيب العمر*قصة واقعية رومانسية*حدثت بالفعل لكاتبتها 8/25/2009, 9:30 pm | |
| | |
|
| | |
| | حبيب العمر*قصة واقعية رومانسية*حدثت بالفعل لكاتبتها | |
|
